15.01.2025 | 10:01
Լարսը փակ է կցորդիչով բեռնատարների համար
ԱՄՆ-ը չի բացառում ՌԴ-ից նավթի հետագա գնումները
Քաղաքականություն
02.06.2022 | 14:22
ԱՄՆ-ն ու ԵՄ-ն քննարկում են ռուսական նավթը շուկայականից ցածր գնով գնելու հնարավորությունը՝ այն ներկրելուց հրաժարվելու փոխարեն։ CNN-ի հաղորդմամբ՝ այս մասին հայտարարել է ԱՄՆ նախագահ Ջո Բայդենը, գրում է korrespondent-ը։
Բայդենը հայտարարել է, որ քիչ բան կարող է անել բենզինի կամ սննդամթերքի գնի նվազման համար առաջիկայում՝ նշելով, որ այդ ապրանքների գները մնում են բարձր, քանի որ նա աշխատում է ընտանիքների կողմից կատարվող այլ ծախսերը նվազեցնելու ուղղությամբ։
«Այժմ շատ բան է կատարվում, բայց այն գաղափարը, որ մենք կարող ենք սեղմել անջատիչը և նվազեցնել բենզինի արժեքը, մոտ ապագայում քիչ հավանական է: Նույնը սննդի դեպքում է»,- ասել է Բայդենը։
Նա չի բացառել ՌԴ-ից նավթի հետագա գնումը։
«Մենք հիմա խնդիր ունենք։ Եվրոպան որոշում է է՛լ ավելի կրճատել ռուսական նավթի գնումները: Կան բազմաթիվ նկատառումներ, որոնք կարելի է անել, գուցե նույնիսկ շարունակել նավթ գնել, բայց սահմանափակ գնով»,- ասել է ԱՄՆ նախագահը։
Նա նշել է, որ գազի կամ սննդամթերքի գների իջեցմանն ուղղված ուղիղ գործողությունների փոխարեն ձգտում է մեղմել ընտանիքների ֆինանսական բեռը այլ ոլորտներում, ինչպիսիք են առողջապահությունը և երեխաների խնամքը:
«Բայց մենք դա կարող ենք փոխհատուցել՝ ապահովելով այլ անհրաժեշտ ծախսեր ընտանիքների համար և նվազեցնելով դրանք։ Դա ընտանիքների համար կնվազեցնի գնաճը»,- հավելել է Բայդենը։
Էմմա Չոբանյան
