10.10.2026 | 12:34
ԱՄՆ-ի և ՌԴ-ի միջև դիզվառելիքի վերաբերյալ համաձայնությունը ներդրում է պատերազմի մեջ․ Զելենսկի
Ուկրաինայում պատերազմն ավելի քան 260 երեխայի կյանք է խլել
Քաղաքականություն
02.06.2022 | 13:55
Ուկրաինայում Ռուսաստանի սանձազերծած պատերազմի մեկնարկից ի վեր 261 երեխա է զոհվել, ավելի քան 460-ը՝ վիրավորվել։ Korrespondent-ի փոխանցմամբ՝ այս մասին հայտնում են Ուկրաինայի գլխավոր դատախազությունից։
Նշվում է, որ այս թվերը վերջնական չեն, նոր տվյալներ են ստացվում ակտիվ ռազմական գործողությունների վայրերից, ժամանակավորապես օկուպացված և ազատագրված տարածքներից, զոհված երեխաների թիվը շատ ավելին է։
«Մայիսի 31-ին Խարկովի մարզի Իզյումի շրջանի Իվանովկա գյուղում զավթիչների գնդակոծության հետևանքով 12-ամյա տղա է զոհվել։ Քրեական հանցագործությունների արձանագրման ընթացքում հայտնի է դարձել Դոնեցկի մարզի Մարիուպոլ քաղաքում հակառակորդի գնդակոծության հետևանքով ևս 17 երեխայի մահվան և 14-ի վիրավորվելու մասին»,- ասվում է հաղորդագրությունում։
Բացի այդ, ռմբակոծությունների և հրետակոծությունների հետևանքով տուժել է 1938 ուսումնական հաստատություն, որոնցից 182-ն ամբողջությամբ ավերվել է։
