20.08.2026 | 11:49
ՔՊ-ն որոշել է Արեգա Հովսեփյանին և Հայկ Ֆարմանյանին չընտրել հանձնաժողովի նախագահներ
Մհեր Գրիգորյանը մասնակցել է Եղիսաբեթ Երկրորդի տարեդարձի առթիվ ՄԹ դեսպանության կազմակերպած միջոցառմանը
Քաղաքականություն
02.06.2022 | 14:13
Փոխվարչապետ Մհեր Գրիգորյանը ս.թ. մայիսի 31-ին մասնակցել է Միացյալ Թագավորության թագուհի Եղիսաբեթ Երկրորդի ծննդյան տարեդարձի առթիվ Միացյալ Թագավորության դեսպանության կողմից կազմակերպված պաշտոնական ընդունելությանը․ տեղեկացնում են փոխվարչապետի գրասենյակից։
«Միջոցառման ընթացքում փոխվարչապետը հանդես է եկել շնորհավորական խոսքով, որում Կառավարության և իր անունից շնորհավորել է Եղիսաբեթ Երկրորդ Թագուհուն, արքայական ընտանիքի անդամներին, ինչպես նաև Միացյալ Թագավորության և բրիտանական համագործակցության երկրների ժողովուրդներին: Նշելով, որ այս տարի տոնվում է նաև հայ-բրիտանական միջպետական հարաբերությունների հաստատման հոբելյանական 30-ամյակը՝ Մհեր Գրիգորյանը շեշտել է, որ տարիների սերտ համագործակցության հարուստ փորձը լայն հնարավորություններ է տալիս բացահայտելու հայ-բրիտանական համագործակցության ողջ ներուժը՝ ուրվագծելով փոխգործակցության նոր հեռանկարներ և խթանելով առևտրատնտեսական հարաբերությունները»,- ասված է հաղորդագրությունում։
