17.01.2026 | 13:45
UFC-ի չեմպիոն Իլյա Տոպուրիան հայտնել է՝ երբ է վերադառնալու օկտագոն
ԱՄՆ-ը քննարկում է Ուկրաինային մեծ մարտական անօդաչուների վաճառքի հնարավորությունը․ Reuters
Քաղաքականություն
02.06.2022 | 13:14
ԱՄՆ նախագահ Ջո Բայդենի վարչակազմը դիտարկում է Ուկրաինային չորս MQ-1C Gray Eagle անօդաչու թռչող սարք վաճառելու հնարավորությունը, որը MQ-1 Predator անօդաչուի մոդիֆիկացիան է, և որը Միացյալ Նահանգները լայնորեն օգտագործել է Աֆղանստանում: Այս մասին հայտնում է Reuters-ը՝ վկայակոչելով իրավիճակին ծանոթ երեք աղբյուրի, փոխանցում է BBC-ի ռուսական ծառայությունը։
Grey Eagle-ի թռիչքի առավելագույն զանգվածը, ըստ փորձագետների, մոտ երեք անգամ գերազանցում է թուրքական «Բայրաքթար»-ին, որն ակտիվորեն օգտագործվում է զինված ուժերի կողմից: Դրա շնորհիվ Gray Eagle-ը կարող է համալրվել ավելի հզոր զինատեսակներով, մասնավորապես, Hellfire հրթիռներով, որոնք կշռում են մոտ երկու անգամ ավելի, քան MAM-L հրթիռները, որոնցով զինված են «Բայրաքթար»-ները։
Բացի այդ, ամերիկյան անօդաչուն ունակ է ավելի երկար մնալ օդում և հավաքել ավելի շատ հետախուզական տվյալներ թռիչքների ժամանակ։
Անօդաչու թռչող սարքերի վաճառքի համար միջոցները նախապես հատկացվում են՝ վերջերս Կոնգրեսի կողմից ընդունված Ուկրաինային ուղղված 40 միլիարդ դոլարի օգնության փաթեթից:
Լրատվամիջոցի աղբյուրները նշում են, որ անօդաչուների վաճառքի մասին որոշումը Կոնգրեսը կարող է արգելափակել, կարող է նաև լինել «քաղաքականության փոփոխություն» Բայդենի վարչակազմում։ Եթե անօդաչուի վաճառքը հաստատվի, ապա դրա համար նախատեսված Hellfire հրթիռները նույնպես Բայդենի վարչակազմի պատվերով կմատակարարվեն Ուկրաինային։
Էմմա Չոբանյան
