17.01.2026 | 15:55
2025-ին Հայաստանի աշակերտները միջազգային օլիմպիադաներում նվաճել են 91 մեդալ․ ԿԳՄՍ նախարար
Մեծ Բրիտանիան ԱՄՆ-ի հավանությունն է խնդրում Ուկրաինա միջին հեռահարության հրթիռային համակարգեր ուղարկելու համար․ ԶԼՄ-եր
Քաղաքականություն
02.06.2022 | 11:40
Մեծ Բրիտանիան Վաշինգտոնին խնդրում է հաստատել Ուկրաինա միջին հեռահարության ժամանակակից հրթիռային համակարգեր շաբաթների ընթացքում ուղարկելու ծրագիրը։ Այս մասին հաղորդում է Politico-ն՝ վկայակոչելով խնդրին ծանոթ իր աղբյուրին, գրում է swissinfo.ch-ն։
Աղբյուրի տվյալներով՝ Մեծ Բրիտանիայի վարչապետ Բորիս Ջոնսոնը չորեքշաբթի առավոտյան խոսել է ԱՄՆ նախագահ Ջո Բայդենի հետ ամերիկյան արտադրության M270 բազմակի հրթիռային համակարգերի փոխանցման մասին։ Այսօր էլ տեղի է ունենալու քննարկում Բրիտանիայի ԱԳ նախարար Լիզ Թրասի ու ԱՄՆ պետքարտուղար Էնթոնի Բլինքենի միջև։
Վաշինգտոնը պետք է պաշտոնապես հավանություն տա այդ քայլին արտահանման կանոնակարգի պատճառով։ Մեծ Բրիտանիայի պաշտպանության նախարար Բեն Ուոլեսն էլ հայտարարել է, որ Միացյալ Թագավորությունը մի քանի հրթիռային կայաններ կուղարկի Ուկրաինա։
Էմմա Չոբանյան
