28.02.2026 | 16:39
Բահրեյնն ու Քուվեյթը հայտարարել են Իրանի հարվածներին պատասխանելու իրավունքի մասին
Տիգրան Խաչատրյանի նկատմամբ կալանքի միջնորդություն է ներկայացվել
Հասարակություն
01.06.2022 | 18:56
Սյունիքի նախկին մարզպետ Սուրիկ Խաչատրյանի որդուն՝ Տիգրան Խաչատրյանի նկատմամբ կալանքը որպես խափանման միջոց ընտրելու միջնորդություն է ներկայացվել: Ինչպես տեղեկացնում է «Արմենպրես»-ը, այս մասին հայտնել է նրա պաշտպան Բենիկ Գալստյանը:
Բենիկ Գալստյանը նշեց, որ մինչ կալանքի միջնորդության քննարկումը ներկայացրել է դատավոր Դավիթ Արղամանյանի ինքնաբացարկի միջնորդությունը:
«Դատական նիստը բավականին երկար տևեց, Դատարանը հեռացավ խորհրդակցական սենյակ ինքնաբացարկի հարցով որոշում կայացնելու»,- ասաց Գալստյանը:
ՀՀ կառավարական 3-րդ մասնաշենքի մոտ ընդդիմության բողոքի ցույցի ժամանակ զանգվածային անկարգությունների կազմակերպման գործով մեղադրանք էր առաջադրվել Սյունիքի նախկին մարզպետ Սուրիկ Խաչատրյանի որդուն՝ Տիգրան Խաչատրյանին։ Վերջինս ձերբակալվել է:
