16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Ինչո՞ւ է քանդվում նոր կառուցված Տաթև-Աղվանի ճանապարհը. Սանոսյանի պարզաբանումը․ ՏԵՍԱՆՅՈՒԹ
Տնտեսություն
01.06.2022 | 18:25
Ինչու է նոր կառուցված Տաթև-Աղվանի ճանապարհը շարքից դուրս եկել, ասֆալտը քանդվում է. ԱԺ-ում լրագրողների հետ զրույցում անդրադառնալով այս հարցին՝ Տարածքային կառավարման և ենթակառուցվածքների նախարար Գնել Սանոսյանը պարզաբանեց. «Ճանապարհի մի հատվածը ավելի վաղ էր սկսվել և նախատեսված չէր, որ բեռնատարներ կանցնեն, մյուս երկու հատվածները, գիտեք, բավականին արագ կառուցվեցին, որոշակի նախագծային խնդիրներ կան:
Մենք կառուցման ժամանակ էլ տեսնում էինք, որ կարող է այդպիսի խնդիրներ լինեն: Այսքան չէինք կանխատեսում, բայց ենթադրում էինք, որ խնդիրներ կլինեն: Դա եղավ պատճառ, որ մենք վերջին՝ երրորդ շերտը չտեղադրեցինք, որպեսզի այս խնդիրները շտկենք, հետո նոր տեղադրենք:
Ձորակում կա կավային շերտի գրունտային խնդիրներ, և հիմա շինարարները թերությունները շտկում են: Մի հատվածում թերությունների վերացումը գրեթե ավարտվել է, մյուս երկու հատվածներում ակտիվ աշխատանքներ են գնում: Թերությունները կշտկենք, երրորդ շերտով կասֆալտապատենք և դրանով, կարծում եմ, խնդիրներից կձերբազատվենք»:
Մանրամասները՝ տեսանյութում:
