28.06.2026 | 18:55
Վթարված մեքենայում հայտնաբերվել է նախկին նախարար Գագիկ Ստամբուլցյանի մարմինը
Հռոմի պապը հորդորել է հացահատիկը որպես զենք չօգտագործել
Քաղաքականություն
01.06.2022 | 19:13
Հռոմի Ֆրանցիսկոս պապը դատապարտել է ուկրաինական հացահատիկի արտահանման ուղիների շրջափակումը։ Այս մասին նա հայտարարել է հունիսի 1-ին, փոխանցում է Vatican News-ը։
«Ուկրաինայից հացահատիկի արտահանման շրջափակումը, որից կախված է միլիոնավոր մարդկանց կյանքը, հատկապես՝ ամենաաղքատ երկրներում, խիստ մտահոգիչ է»,- ընդգծել է Սրբազան քահանայապետը։
Նա հորդորել է «անել հնարավորը՝ այս խնդիրը լուծելու և սննդի համընդհանուր իրավունքը երաշխավորելու համար»։
«Խնդրում եմ հացահատիկը՝ հիմնական սննդամթերքը, որպես զենք չօգտագործել պատերազմում»,- ասել է կաթոլիկ եկեղեցու առաջնորդը։
Հիշեցնենք, որ ռուսական զորքերն արգելափակել են ուկրաինական արտահանումը Սև և Ազովի ծովերով՝ սաստկացնելով պարենային ճգնաժամն աշխարհում։ Ներկայում ուկրաինական նավահանգիստներում արտահանման է սպասում 1,5 մլն տոննա հացահատիկ, իսկ, ընդհանուր առմամբ, Ուկրաինայից պետք է դուրս բերվի մոտավորապես 20 մլն տոննա հին բերք, որպեսզի նորի համար տեղ ազատվի։
Տաթև Ֆռանգյան
