16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
ՌԴ-ն վերահսկում է Սևերոդոնեցկի 70%-ը
Քաղաքականություն
01.06.2022 | 14:24
Ռուսական զորքերը վերահսկում են Սևերոդոնեցկի 70%-ը։ Այս մասին հունիսի 1-ին հայտարարել է Լուգանսկի շրջանային ռազմական վարչակազմի ղեկավար Սերգեյ Գայդայը, փոխանցում է korrespondent-ը։
«Ռուսները վերահսկում են Սևերոդոնեցկի 70 տոկոսը։ Ուկրաինական զորքերի մի մասը նահանջել է ավելի շահեկան, նախապես պատրաստված դիրքեր։ Մյուս մասը շարունակում է մարտերը քաղաքի ներսում»,- մանրամասնել է նահանգապետը։
Միաժամանակ, նրա խոսքով, Լիսիչանսկն ամբողջությամբ գտնվում է Ուկրաինայի վերահսկողության տակ։
Գայդայը նաև ընդգծել է, որ Լուգանսկի շրջանի բոլոր ազատ բնակավայրերը մշտապես գտնվում են կրակի տակ, ուստի տարհանումը դադարեցվել է։ Այս պահին Սևերոդոնեցկ հումանիտար պարագաներ հասցնելու հնարավորություն չկա, սակայն հիվանդանոցը բավականաչափ բժշկական պարագաներ ունի, իսկ հումանիտար շտաբը՝ սննդի պաշար։
Տաթև Ֆռանգյան
