20.08.2026 | 13:01
Դեպի ԵՄ Հայաստանի արտահանումը առաջին կիսամյակում աճել է ավելի քան 80%-ով
ԱՄՆ-ը Թուրքիային կրկին կոչ է անում պահպանել հրադադարը Սիրիայում՝ զերծ մնալով նոր ռազմական հարձակումից
Քաղաքականություն
01.06.2022 | 15:32
ԱՄՆ Պետքարտուղարության մամուլի խոսնակ Նեդ Փրայսը հերթական ճեպազրույցում կրկին անդրադարձել է Սիրիայում Թուրքիայի կողմից նոր ռազմական գործողություն սկսելու հնարավորությանը։
Նա նշել է, որ ԱՄՆ-ը շարունակում է խորապես անհանգստանալ Սիրիայի հյուսիսում հնարավոր ռազմական ակտիվության աճի քննարկումներով, մասնավորապես, տեղի խաղաղ բնակչության վրա դրա ազդեցությամբ։
«Մենք շարունակում ենք ասել, ինչպես նախկինում ասել ենք, որ աջակցում ենք հրադադարի ներկա գծերի պահպանմանը։ Մենք կդատապարտենք ցանկացած էսկալացիա, որը կարող է այն վնասել։ Մենք կարծում ենք, որ բոլոր կողմերի համար կարևոր է պահպանել և հարգել հրադադարի գոտիները, հիմնականում՝ Սիրիայում կայունությունն ամրապնդելու և հակամարտության քաղաքական լուծման ուղղությամբ աշխատելու համար։ Մենք կարծում ենք, որ այլ կերպ գործելու ցանկացած ջանք կարող է ոչ միայն հակաարդյունավետ լինել Սիրիայում ավելի լայն հակամարտությանը վերջ տալու մեր նպատակների, այլև մեծ առաջընթացի համար, որը միասին ձեռք է բերվել նաև քուրդ գործընկերների միջոցով ԻԼԻՊ-ի դեմ պայքարում»,- ասել է Փրայսը։
Նա նշել է, որ Վաշինգտոնն Անկարայից ակնակալում է 2019 թվականի հրադադարի համատեղ հայտարարության պահպանում, այդ թվում՝ Սիրիայի հյուսիսում ռազմական գործողությունների դադարեցում։
«Մենք ընդունում ենք Թուրքիայի օրինական մտահոգություններն իր սահմանի անվտանգության վերաբերյալ: Բայց կրկին, մենք մտահոգված ենք, որ ցանկացած նոր հարձակում ավելի կխաթարի տարածաշրջանային կայունությունը և վտանգի տակ կդնի ԻԼԻՊ-ի-ի դեմ արշավում ձեռքբերումները»,- ասել է Պետքարտուղարության խոսնակը։
Հավելենք՝՝ ավելի վաղ Թուրքիայի նախագահ Ռեջեփ Թայիփ Էրդողանը հայտարարել էր, որ Անկարան պատրաստվում է նոր ռազմական հարձակում իրականացրել Սիրիայում հյուսիսում։
Էմմա Չոբանյան
