15.01.2025 | 09:46
«Խաղաղության խաչմերուկ»-ը միանգամայն ճիշտ և իմաստուն պատասխան է Ադրբեջանի պահանջներին․ Շտեֆան Մյուլլեր-Ալտերմատ
ՕՊԵԿ-ի երկրները քննարկում են Ռուսաստանի հետ գործարքը խզելու հնարավորությունը
Քաղաքականություն
01.06.2022 | 14:43
Նավթ արտահանող երկրների կազմակերպության (ՕՊԵԿ) անդամների շրջանում քննարկվում է նավթային գործարքից Ռուսաստանին բացառելու գաղափարը։ Այս մասին գրում է ամերիկյան The Wall Street Journal պարբերականը՝ վկայակոչելով ՕՊԵԿ-ում սեփական աղբյուրներին։
Այս դեպքում գործարքի դադարեցումը և Ռուսաստանին «սև ոսկի» արտահանելու պարտավորություններից ազատելը կարող է հնարավորություններ բացել Սաուդյան Արաբիայի, ԱՄԷ-ի և ՕՊԵԿ-ի այլ երկրների համար քվոտաների վերաբաշխման և նավթի արդյունահանման զգալի աճի նպատակով։
ԱՄՆ-ը և եվրոպական երկրները ձգտում են դա անել, քանի որ Ռուսաստանի և Ուկրաինայի միջև պատերազմի մեկնկարկից հետո նավթի գները բարձրացել են մեկ բարելի դիմաց 100 դոլարից, գրում է WSJ-ը։
2020 թվականին ՕՊԵԿ-ի անդամ 13 և գործընկեր 10 երկրներ (ՕՊԵԿ+), այդ թվում՝ Ռուսաստանը, գործարք կնքեցին նավթի արդյունահանումը վերահսկելու համար, որի պայմանները հետագայում վերանայվել են և պարզաբանվել։
Դեռևս պարզ չէ՝ արդյո՞ք Մոսկվան կհամաձայնի դուրս գալ գործարքից, սակայն որոշ երկրներ, որոնք մրցակցում են Ռուսաստանի հետ, արդեն պատրաստվում են ավելացնել արդյունահանումը։ Այսօր Ռուսաստանն աշխարհում նավթի երեք խոշորագույն արտադրողներից մեկն է։
Տաթև Ֆռանգյան
