10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Մակրոնը դատապարտել է Թուրքիայի հայտարարությունները Հունաստանի կղզիների ինքնիշխանության վերաբերյալ
Քաղաքականություն
01.06.2022 | 13:59
Ֆրանսիայի նախագահ Էմանուել Մակրոնը դատապարտել է թուրք պաշտոնյաների հայտարարությունները, որոնք հարցականի տակ են դնում մի շարք կղզիների նկատմամբ Հունաստանի ինքնիշխանությունը, գրում է ekathimerini-ն։
Բրյուսելում Եվրոպական խորհրդի նիստից հետո Մակրոնը նշել է, որ «ցանկանում է բոլոր եվրոպացիների ու հատկապես Ֆրանսիայի աջակցությունը հայտնել Հունաստանին»՝ հավելելով, որ «այսօր ոչ ոք չի կարող վտանգել որոշ անդամ երկրների ինքնիշխանությունը»։
«Կարծում եմ, որ այդ հայտարարությունները պետք է դատապարտվեն հնարավորինս շուտ, մի բան, որը հենց նոր արեցի»,-ասել է Մակրոնը։
Նա նշել է, որ ԵՄ առաջնորդների հանդիպմանը Հունաստանի վարչապետ Կիրիակոս Միցոտակիսը «խոստորեն արտահայտել է Աթենքի օրինական մտահոգությունը և դատապարտել բազմաթիվ թուրք պաշտոնյաների հայտարարությունները, որոնք կասկածի տակ են դնում Հունաստանի ինքնիշխանությունը նրա շատ կղզիների նկատմամբ»։
Հավելենք, որ նախօրեին Թուրքիայի ԱԳ նախարար Մևլութ Չավուշօղլուն կրկնել էր ավելի վաղ արած հայտարարությունները, թե Անկարան հարցականի տակ կդնի Էգեյան ծովում Հունաստանի ինքնիշխանությունը կղզիների նկատմամբ, եթե դրանց ռազմականացումը շարունակվի։
Էմմա Չոբանյան
