12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Գուցե «ատկատ» չեն տալիս, դրանից են ցածր գներ առաջարկում. Սանոսյանը` Աղազարյանին․ ՏԵՍԱՆՅՈՒԹ
Քաղաքականություն
01.06.2022 | 12:00
«Ճանապարհաշինարարական աշխատանքներ իրականացնելու համար հայտարարված մրցույթներում երբեմն-երբեմն առաջարկ են ներկայացնում և շահում են նախնական հաշվարկից 30-40 տոկոսով ցածր գներ ներկայացրած կազմակերպությունները: Սա վտանգավոր միտումներ չունի՞, փողերի լվացման հետ կապված անհանգստություն չունե՞ք»,- ԱԺ մշտական հանձնաժողովների համատեղ նիստում «Հայաստանի Հանրապետության 2021թ. պետական բյուջեի կատարման մասին» տարեկան հաշվետվության ներկայացման ժամանակ «Քաղաքացիական պայմանագիր» խմբակցության պատգամավոր Հովիկ Աղազարյանն այս հարցերն ուղղեց Տարածքային կառավարման և ենթակառուցվածքների նախարար Գնել Սանոսյանին:
«Փողերի լվացում կա, թե ոչ, մեր նախարարությունը դա չի կարող տեսնել,- նշեց Սանոսյանը:
Նախարարը հաստատեց, որ և՛ նախորդ տարի, և՛ այս տարի արձանագրվել են նման դեպքեր, երբ ընկերությունների միջև մրցակցության արդյունքում բավականին մեծ խնայողություններ են լինում:
«Սա առաջին հայացքից թվում է լավ է, որովհետև պետությունը գումարներ է խնայում: Բայց կան դեպքեր, երբ հաշվարկները ցույց են տալիս, որ ինքնարժեքին շատ մոտ կամ նույնիսկ ինքնարժեքից ցածր գներ են առաջարվում, ինչը հարցեր է առաջացնում: Կան ընկերություններ, որոնք ուղղակի փորձում են դրանով շուկան «վերցնել», թեկուզ վնասով աշխատել, բայց աշխատանքների մեծ մասը ստանձնել, այսինք՝ դեմպինգ են անում»,- նշեց Սանոսյանը:
«Գուցե «ատկատ» չեն տալիս, դրանից են ցածր գներ առաջարկում»,- նկատեց Սանոսյանը:
Մանրամասները՝ տեսանյութում:
