15.05.2024 | 20:59
Թուրքիայում 16-ամյա աղջկա են ձերբակալել Էրդողանի ավտոշարասյան ուղղությամբ հայհոյանքներ հնչեցնելու համար
ԱԽ քարտուղար Արմեն Գրիգորյանը հանդիպել է Բուլղարիայի ԱԳ նախարարի տեղակալ Իրենա Դիմիտրովային
Քաղաքականություն
26.05.2022 | 19:16
ՀՀ Անվտանգության խորհրդի քարտուղար Արմեն Գրիգորյանն այսօր հանդիպել է Բուլղարիայի Հանրապետության Արտաքին գործերի նախարարի տեղակալ Իրենա Դիմիտրովայի հետ, հաղորդում են ԱԽ գրասենյակից։
«Զրուցակիցները բարձր են գնահատել հայ-բուլղարական երկկողմ բարեկամական ու եղբայրական հարաբերությունների զարգացման ընթացքը: Քննարկելով հայ-բուլղարական հարաբերություններին առնչվող հարցերի լայն շրջանակ՝ ընդգծել են երկկողմ հարաբերությունների խթանման ու տարբեր ոլորտներում փոխշահավետ համագործակցության զարգացման հեռանկարները:
Բուլղարիայի Արտաքին գործերի նախարարի տեղակալ տիկին Իրենա Դիմիտրովան ողջունել է Հայաստանի ջանքերն ու տարածաշրջանային անվտանգային միջավայրի ձևավորմանն ուղղված քայլերի իրականացումը:
Հանդիպման ընթացքում զրուցակիցները նաև քննարկել են կեղծ տեղեկատվության ռիսկերն` որպես մերօրյա լուրջ մարտահրավեր, ինչի շրջանակներում անդրադարձ է կատարվել երկկողմ հետագա համագործակցությանը»,- ասվում է հաղորդագրությունում։
