14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Եվրոպայի արևելքում 10 անգամ ավելացել է ՆԱՏՕ-ի զորքերի թիվը
Քաղաքականություն
19.05.2022 | 22:30
ՆԱՏՕ-ի զորքերի թիվը, որոնք տեղակայված են դաշինքի արևելյան թևում, հասել է 40 հազար մարդու՝ գրեթե 10 անգամ ավելի, քան անցյալ տարի։ Բրյուսելի շտաբի տվյալներով՝ 2021 թվականի փետրվարին, այսինքն՝ Ուկրաինայի վրա ռուսական հարձակումից մեկ տարի առաջ, ՆԱՏՕ-ի անմիջական հրամանատարության տակ գտնվել է 4650 զինվորական։ Այս զորքերը տեղակայվել են չորս բազմազգ մարտական խմբերում, որոնք տեղակայված են եղել Էստոնիայում, Լատվիայում, Լիտվայում և Լեհաստանում։
Euronews-ի հաղորդմամբ՝ այնուհետև Ռուսաստանը սկսեց իր զորքերը և զինտեխնիկան կուտակել Ուկրաինայի հետ սահմանի երկայնքով՝ արագացնելով այդ քայլերն անցյալ տարվա վերջին և հունվարին: Մոսկվան պնդում է, որ սա պաշտպանական քայլ էր՝ կապված ՆԱՏՕ-ին միանալու՝ Ուկրաինայի ձգտումների և 1990-ականներից ի վեր անդրատլանտյան դաշինքի՝ դեպի արևելք ընդլայնման հետ:
Ի պատասխան՝ ՆԱՏՕ-ն և նրա 30 անդամները սկսեցին ուժեղացնել իրենց արևելյան դիրքերը լրացուցիչ ուժերով և միջոցներով։
Ուկրաինա ռուսական ներխուժման մեկնարկից մեկ ամիս անց 40 հազար զինվոր գտնվում էր ՆԱՏՕ-ի անմիջական հրամանատարության ներքո։ Միևնույն ժամանակ, գոյություն ունեցող յուրաքանչյուրմարտական խումբ կտրուկ ուժեղացվեց. Լեհաստանում զինվորականների թիվը 1010-ից հասավ 10500-ի, չորս նոր մարտական խմբեր ստեղծվեցին Սլովակիայում, Հունգարիայում, Ռումինիայում և Բուլղարիայում:
Բացի այդ, եվրոպական շատ երկրներ իրենց տարածքներ են հրավիրել լրացուցիչ ամերիկյան զորքեր՝ համաձայն երկկողմ պայմանավորվածությունների: Արդյունքում, Եվրոպայում ԱՄՆ զինվորականների ընդհանուր թիվը հասել է մոտ 100 հազարի, ինչը ամենամեծ թիվն է 2005 թվականից ի վեր։
Տաթև Ֆռանգյան
