17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Իսրայելն առաջարկում է Լիբանանում առգրավված ռուսական զենքը փոխանցել Ուկրաինային
Քաղաքականություն
22.01.2025 | 13:42
Իսրայելն առաջարկել է Ուկրաինային փոխանցել ռուսական զենքը, որն իսրայելական բանակը գրավել է Լիբանանում կամ խլել Իսրայելի հակառակորդներից այլ վայրերից։ Այս մասին Facebook-ի իր պաշտոնական էջում հայտնել է Իսրայելում Ուկրաինայի դեսպանատունը։
«Հունվարի 21-ին կայացել է Իսրայելում Ուկրաինայի դեսպան Եվգենիա Կորնիյչուկի և Իսրայելի արտաքին գործերի փոխնախարար Շարեն Հասկելի հանդիպումը։ Հանդիպման ընթացքում դեսպանը երախտագիտություն է հայտնել Իսրայելի պաշտպանության բանակի կողմից գրավված ռուսական արտադրության զենքերն Ուկրաինային փոխանցելու առաջարկի համար»,- ասվում է հրապարակված հաղորդագրության մեջ։
Ուկրաինական կողմն ընդգծել է, որ Իսրայելի նախաձեռնությունը լուրջ քայլ է, որը հաստատում է Կիևի և Թել Ավիվի համար ընդհանուր սպառնալիքների գիտակցումը։ Դեսպանությունը հույս է հայտնել, որ այս առաջարկը դրական որոշում կստանա։
Հանդիպմանը քննարկվել է նաև Իրանի և Ռուսաստանի միջև ռազմական համագործակցությունը, որը վտանգ է ներկայացնում Ուկրաինայի և Իսրայելի ազգային անվտանգության համար։ Ուկրաինայի դեսպանը նշել է, որ այդ սպառնալիքին արդյունավետ հակազդեցությունը բխում է երկու պետությունների շահերից։
Թարգմանությունը՝ Տաթև Ֆռանգյանի
