10.08.2026 | 12:30
Ոստիկանները ձերբակալել են մեկ տասնյակից ավելի անձանց․ մանրամասներ` Դաշտավան գյուղում կատարված խուլիգանությունից
Պանաման դիմել է ՄԱԿ-ին՝ Թրամփի հայտարարությունների պատճառով
Քաղաքականություն
22.01.2025 | 14:41
ՄԱԿ-ում Պանամայի մշտական ներկայացուցչությունը բողոք է ուղարկել կազմակերպության գլխավոր քարտուղար Անտոնիո Գուտերեշին՝ կապված ԱՄՆ նախագահ Դոնալդ Թրամփի երդմնակալության ելույթում «Պանամայի ջրանցքին տիրելու» մտադրության մասին հայտարարության հետ։ Reuters-ի փոխանցմամբ՝ Պանամայի իշխանությունները խնդրել են նամակը տարածել կազմակերպության Անվտանգության խորհրդի 15 անդամների շրջանում։
ՄԱԿ-ում Պանամայի դեսպան Էլոյ Ալֆարո դե Ալբան հայտարարել է, որ ՄԱԿ-ի երկրներն «իրենց միջազգային հարաբերություններում ձեռնպահ են մնում ցանկացած պետության տարածքային ամբողջականության կամ քաղաքական անկախության դեմ ուժի սպառնալիքից»:
Հունվարի 20-ին երդմնակալությունից հետո ունեցած ելույթում Դոնալդ Թրամփն ասել է, որ Պանամայի ջրանցքը «հիմար կերպով տրվել է Պանամային», և որ Չինաստանն է այժմ վերահսկում ծովային ճանապարհը:
«Մենք այն չենք տվել Չինաստանին, մենք տվել ենք այն Պանամային: Եվ մենք պետք է հետ վերցնենք այն»,- հայտարարել է Թրամփը։
Պանամայի նախագահ Խոսե Ռաուլ Մուլինոն բացառել է նման սցենարը։
Թարգմանությունը՝ Տաթև Ֆռանգյանի
