17.12.2025 | 21:22
Արագածոտնի թեմը վաղվա պատարագը տեղափոխում է Մայր Աթոռ. այն կկայանա նույն ժամին, ինչ 10 եպիսկոպոսների հայտարարած հավաքն է
Թուրքիայում, Ադրբեջանում և Ռուսաստանում 55 ձերբակալված լրագրող կա․ Եվրոպայի խորհուրդը զեկույց է հրապարակել
Քաղաքականություն
27.04.2022 | 17:36
Եվրոպայի խորհուրդը հրապարակել է լրատվամիջոցների ազատության և լրագրողների անվտանգության սպառնալիքների մասին ամենամյա զեկույցը։ Այն ներառում է 2021 թվականը և Ուկրաինայում պատերազմի սկիզբը՝ Ռուսաստանում տիրող իրավիճակի և ռուս լրագրողների իրավունքների խախտումների վրա շեշտադրումով։
Զեկույցում հրապարակվել է Եվրոպայի խորհրդի անդամ երկրներում 56 բանտարկված լրագրողների ցուցակը։ Թուրքիայում ճաղերի հետևում է 34 լրագրող, 10-ը՝ Ղրիմում ռուսական իշխանությունների վերահսկողության տակ (զեկույցում Ղրիմում ձերբակալվածներին անվանում են ձերբակալված Ուկրաինայի տարածքում), 7 լրագրող ձերբակալված է Ռուսաստանում (այդ ժամանակ ԵԽ կազմում), 4-ը՝ Ադրբեջանում, իսկ մեկը՝ Ջուլիան Ասանժը՝ Մեծ Բրիտանիայում։
Ռուսական ցուցակում ընդգրկված են «Կոմերսանտ»-ի և «Վեդոմոստի»-ի նախկին հատուկ թղթակից Իվան Սաֆրոնովը, որը ներկայում Մոսկվայում է՝ պետական դավաճանության գործով դռնփակ անցկացվող դատավարության մեջ, Դաղստանի «Չեռնովիկ» թերթի լրագրող Աբդուլմումին Գաջիևը, «Ռոսդերժավա» հրատարակության լրագրողներ Ալեքսանդր Դորոգովը և Յան Կոտելևսկին, «BlogSochi» հրատարակության գլխավոր խմբագիր Ալեքսանդր Վալովը, «Տոմսկի» լրագրող Իգոր Կուզնեցովը և ինգուշական Fortanga.ORG հրատարակության խմբագիր Ռաշիդ Մայսիգովը:
Ղրիմում ձերբակալված լրագրողներն են Ամետ Սուլեյմանովը, Ասան Ախմետովը, Մառլեն Ասանովը, Օսման Արիֆմեմետովը, Ռեմզի Բեկիրովը, Ռուստեմ Շեյխալիևը, Սերվեր Մուստաֆաևը, Սեյրան Սալիևը, Տիմուր Իբրահիմովը և Վլադիսլավ Եսիպենկոն։
Զեկույցը պատրաստվել է ԵԽ գործընկեր 15 հասարակական կազմակերպությունների կողմից՝ լրագրության պաշտպանությանն ու լրագրողների անվտանգությանը նպաստելու համար։ Հարթակը ստեղծվել է Եվրոպայի խորհրդի կողմից 2015 թվականին՝ ԶԼՄ-ների ազատության և լրագրողների անվտանգության սպառնալիքների մասին տեղեկություններ հավաքելու և տարածելու համար։ Այն հրապարակում է լրագրողներին և լրագրությանը սպառնալիքների վերաբերյալ ահազանգերը, ինչպես նաև երկրների արձագանքներն այդ ահազանգերին:
Տաթև Ֆռանգյան
