17.07.2026 | 13:30
Կադաստրի կոմիտեի նախկին պաշտոնյան մեղադրվում է 18 մլն դրամի գույք օրինականացնելու համար
Ուկրաինան և ԱՄՆ-ն առաջին անգամ մանրամասն քննարկել են օգտակար հանածոների վերաբերյալ համաձայնագրի նախագիծը
Քաղաքականություն
31.03.2025 | 21:47
ԱՄՆ-ի և Ուկրաինայի ներկայացուցիչները իրավաբանների մասնակցությամբ մարտի 28-ին անցկացրել են օգտակար հանածոների պաշարների մասին նոր համաձայնագրի նախագծի առաջին երկարատև քննարկումը։ Այս մասին գրում է Суспільне-ն՝ հղում անելով Ուկրաինայի նախագահի գրասենյակի աղբյուրին։
«Ուկրաինան պատրաստ է շարունակել աշխատել դրա վրա»,- ասել է լրատվամիջոցի աղբյուրը։
Նա քննարկման մանրամասներ չի հայտնել։
Լրատվամիջոցներն անցյալ շաբաթվա վերջին հայտնել էին ԱՄՆ-ի առաջարկած համաձայնագրի նոր տարբերակի մասին։ Մի քանի հրապարակումների համաձայն՝ փաստաթուղթը գործնականում չի պարունակում Ուկրաինայի անվտանգության երաշխիքներ։
ԱՄՆ նախագահ Դոնալդ Թրամփն էլ հայտարարել էր, որ Ուկրաինայի նախագահ Վլադիմիր Զելենսկին ցանկանում է հրաժարվել հանածոների գործարքից՝ նրան սպառնալով «մեծ խնդիրներով»։
Նախօրեին Զելենսկին հաստատել էր համաձայնագրի նախագիծը ստանալու տեղեկությունը և հայտարարել, որ Ուկրաինան չի ընդունի ԱՄՆ ռազմական օգնությունը որպես վարկ, ինչպես առաջարկվում է դրանում։ Նա նաև ասել է, որ ԱՄՆ-ի հետ համաձայնագիրը չի ստորագրվի, եթե այն սպառնա ԵՄ անդամակցությանը։
Թարգմանությունը՝ Էմմա Չոբանյանի
