01.03.2026 | 16:53
Իսրայելում Իրանի հրթիռային հարվածի հետևանքով զոհվել է 6 մարդ, վիրավորվել՝ 23-ը
Բաքուն Գերմանիայի դեսպանին կանչել ԱԳՆ ու ներողություն է պահանջում Շտայնմայերի կողմից Արցախի դրոշի լուսանկարի հրապարակման համար
Քաղաքականություն
31.03.2025 | 20:17
Բաքվում Գերմանիայի դեսպանն այսօր կանչվել է Ադրբեջանի ԱԳ նախարարություն, որտեղ նրան խիստ բողոք են հայտնել Գերմանիայի նախագահ Ֆրանկ-Վալտեր Շտայնմայերի Instagram-ի պաշտոնական էջում Արցախի դրոշով հրապարակման կապակցությամբ։
Ադրբեջանական APA-ն, վկայակոչելով դիվանագիտական աղբյուրին, գրում է, որ դեսպանի հետ բանակցությունները կոշտ են եղել:
Գերմանիայի դեսպանն ասել է, որ այդ հրապարակումը տեխնիկական սխալ է և արդեն հեռացվել է: Նա բանավոր ներողություն է խնդրել, սակայն, ինչպես նշվում է Ադրբեջանի ԱԳՆ-ի հայտարարության մեջ, Բաքուն Գերմանիայից հրապարակային ներողություն է պահանջել։
«Հետաքրքիր է, որ գերմանական կողմը դեռևս ներողություն չի խնդրել։ Եթե սա իսկապես տեխնիկական սխալ է և ոչ հրապարակային սադրանք, ապա ինչո՞ւ է ձեռնպահ մնում ներողություն խնդրելուց։ Եթե այս հրապարակման լույսի ներքո գերմանական կողմը ներողություն չխնդրի, ապա կասկածելի է Գերմանիայի նախագահի սպասվող այցի նպատակահարմարությունը»,- գրում է լրատվամիջոցը։
Հիշեցնենք, որ Գերմանիայի նախագաhը սոցցանցում Արցախի դրոշով հրապարակում էր արել։
Շտայնմայերը ներկայում Հայաստանում է, այնուհետև պատրաստվում է այցելել Ադրբեջան։
Թարգմանությունը՝ Էմմա Չոբանյանի
