05.10.2026 | 09:46
Կոտայքում մեքենայից կրակել են պարեկների ուղղությամբ․ երկու ծառայող վիրավորվել է, 2 անձ՝ ձերբակալվել
Մեր երկիրը նպատակ չունի, զարգանում է տարերայնորեն. ապոլիտիկ զրույց Միքայել արքեպիսկոպոս Աջապահյանի հետ. ՏԵՍԱՆՅՈՒԹ
Հաղորդաշարեր
23.04.2022 | 21:00
Factor TV-ի A-politic հաղորդաշարի հյուրն է Հայ Առաքելական եկեղեցու Շիրակի թեմի առաջնորդ Միքայել արքեպիսկոպոս Աջապահյանը: Նրա կարծիքով՝ ցանկալի է, որ հոգևորականը լինի քաղաքականությունից բարձր, բայց երբեմն հանգամանքները ստիպում են անդրադառնալ քաղաքական խնդիրներին, որովհետև դա՛ են պահանջում հոտի շահերը:
Ըստ Միքայել սրբազանի՝ բարկությունը թեև 7 մահացու մեղքերից մեկն է համարվում, խոսքն անհիմն ցասման մասին է, բայց, եթե եպիսկոպոսը տեսնում է, որ մարդը գնում է դեպի անդունդ, նա պարտավոր է բարկանալ:
Զրույցն այնուհետև ընթացավ վրեժի, վրեժխնդրության շուրջ: Արքեպիսկոպոսի կարծիքով՝ պարտադիր չէ, որ այդ հասկացությունը մեկնաբանվի որպես զուտ ֆիզիկական վրեժխնդրություն թշնամուց՝ վրեժը կարող է լուծվել նաև ամրանալով, զարգանալով, ազգի համար բարիքներ ստեղծելով: Ապրիլի 24-ը մենք՝ հայերս, նշում էինք՝ ցույց տալու համար, որ խնդիր ունենք: Բայց վերջին երկու տարում, ըստ արքեպիսկոպոսի, կարծես թե պարզվել է, որ մենք ոչ մի խնդիր չունենք:
Հաղորդման հյուրի համոզմամբ՝ ոչ մի մարդկային էակ ի ծնե հակված չէ դեպի չարիքը՝ նա ընտրում է դա իր հոժար կամքով, և միշտ բարին ընտրելու հնարավորություն ունի: Մարդն անձնապես և հասարակությունն իր ընդհանրության մեջ պատասխանատու է պետության ընթացքի համար և, սրբազանի կարծիքով, արտաքին ուժերն այդ ընթացքի վրա ազդեցություն չունեն:
Մանրամասները՝ տեսանյութում:
