06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
ԶՊՄԿ-ի հարկի մի մասը ծախսում ենք Քաջարանի վրա․ Փաշինյան․ ՏԵՍԱՆՅՈՒԹ
Տնտեսություն
13.04.2022 | 17:29
«Քաղաքացիական պայմանագիր» խմբակցության պատգամավոր Արմեն Խաչատրյանը կառավարության հետ հարցուպատասխանի ժամանակ առաջարկեց Զանգեզուրի պղնձամոլիբդենային կոմբինատին վերադարձված գումարը տրամադրել Քաջարանի բնակիչների առողջական խնդիրների լուծմանը:
«Զանգեզուրի պղնձամոլիբդենային կոմբինատի որոշ սուբյեկտներ վերադարձրել են 15 մլրդ դրամ, որը հափշտակված է եղել ՀՀ-ից։ Առաջին տուժողները, կարծում եմ, եղել են Քաջարանի բնակիչները, որոնք շնչում են այդ օդը աշխատում են, տանջվում են»,- նշեց Խաչատրյանը և հարց ուղղեց վարչապետին, թե ինչպես է կառավարությունը վերաբերվում այն առաջարկին, որ այդ վերադարձված գումարների թեկուզ չնչին մասը ծախսվեր հենց Քաջարանի բնակիչների առողջական խնդիրների, հիվանդությունների կանխարգելման համար:
Նիկոլ Փաշինյանը դեմ արտահայտվեց ՔՊ-ական պատգամավորի առաջարկին նշելով. «Զանգեզուրի պղնձամոլիբդենային կոմբինատը ՀՀ հարկատու է, այդ գումարները մուտք են եղել ՀՀ պետական բյուջե:
Դրանց մի մասը ծախսում ենք Քաջարանի վրա, բյուջեից 2021թ-ին լրացուցիչ մեկ մլրդ դրամ հատկացվել է Սյունիքի մարզին, բազմաթիվ ծրագրեր են իրականացվում, նոր սուբվենցիոն ծրագրերի հնարավորություններ կան, մենք ընդլայնել ենք այդ հնարավորությունները:
Ես համաձայն չեմ ձեր առաջարկած տրամաբանության հետ, որ կոմբինատը Քաջարանում է, դրա մի մասը պետք է ծախսվի հենց Քաջարանում, դա ՀՀ պետական բյուջեի մաս է»,- նշեց Փաշինյանը:
Մանրամասները՝ տեսանյութում:
