10.10.2026 | 12:57
Նավթի գներն աճել են
Չինաստանում COVID-ի տարածման դեմ սահմանափակումները կարող են կաթվածահար անել համաշխարհային մատակարարումների շղթան
Քաղաքականություն
13.04.2022 | 17:20
COVID-19-ի տարածումը դադարեցնելու՝ Չինաստանի մրցավազքն արգելափակում է մայրուղիներն ու նավահանգիստները, կանգնեցնում է աշխատողներին և փակում անթիվ գործարաններ․ խափանումներ, որոնք ալիք են բարձրացնում ապրանքների մատակարարման համաշխարհային շղթայում՝ սկսած էլեկտրական մեքենաներից մինչև iPhone-ներ:
Մինչ որոշ գործարանների սեփականատերեր փորձում են դուրս գալ իրավիճակից «փակ հանգույցի» միջոցով՝ աշխատակիցներին պահելով ներսում մեկուսացված, որոշներն էլ ասում են, որ COVID-19-ի սահմանափակումները գնալով ավելի են դժվարացնում նյութերի և առաքվող ապրանքների հայթայթումը։
Reuters-ի աղբյուրի փոխանցմամբ՝ Foxconn Interconnect Technology (6088.HK) ընկերությունը, որն արտադրում է տվյալների փոխանցման սարքավորումներ և միակցիչներ, գործարանը «փակ հանգույցով» բաց է պահել Կունշանում, որը սահմանակից է Շանհային, սակայն կարողանում է աշխատել հզորության միայն 60%-ով։
Չորեքշաբթի Թայվանի ավելի քան 30 ընկերություններ, որոնցից շատերը էլեկտրոնիկայի մասեր են արտադրում, հայտնել են, որ Արևելյան Չինաստանում COVID-19-ի դեմ ուղղված միջոցառումները ստիպել են իրենց դադարեցնել արտադրությունը առնվազն մինչև հաջորդ շաբաթ:
Դրանից մեկ օր առաջ էլ գերմանական Bosch հսկան հայտարարել էր, որ դադարեցրել է արդյունահանումը Շանհայի և Չանչունի մասնաճյուղերում, միաժամանակ, երկու այլ գործարաններ անցել են «փակ հանգույցով» աշխատանքի: Օտարերկրյա բիզնես խմբերը հատկապես բարձրաձայնել են իրենց մտահոգությունների մասին, ընդ որում՝ Չինաստանի Եվրոպական առևտրի պալատն անցյալ շաբաթ նամակ է ուղարկել կառավարությանը՝ նշելով, որ երկրում գերմանական ընկերությունների մոտ կեսը մատակարարման շղթայի խնդիրներ ունի:
Չինաստանը փորձել է մեղմել սահմանափակումների ազդեցությունը՝ նավահանգիստներն ու օդանավակայանները բաց պահելով և խրախուսելով «փակ հանգույցով» գործարանների աշխատանքը: Սակայն Շանհայից՝ աշխարհի ամենածանրաբեռնված կոնտեյներային նավահանգստից և մերձակա Չժուշանից սպասող բեռնարկղային նավերի թիվը ապրիլի սկզբից ավելի քան կրկնապատկվել է՝ հասնելով 118-ի՝ գրեթե երեք անգամ ավելի շատ, քան մեկ տարի առաջ էր, ցույց են տվել Refinitiv-ի տվյալները:
Տաթև Ֆռանգյան
