15.01.2025 | 17:45
ՌԴ-ն և Ուկրաինան «25-ը՝ 25-ի դիմաց» գերիների փոխանակում են իրականացրել
Անկարան մոտենում է «կարմիր գծին»․ ԵԽԽՎ նախագահն ակնարկել է, որ Թուրքիային կարող են հեռացնել կազմակերպությունից
Քաղաքականություն
06.04.2022 | 15:27
Ռուսաստանի հեռացումը Եվրոպայի խորհրդից աննախադեպ քայլ էր, սակայն, ըստ ԵԽԽՎ նախագահ Թինի Քոքսի, դա կարող է կրկնվել։ Այս մասին նա հայտարարել է ուկրաինական «Европейская правда»-ի հետ զրույցում։
Քոքսը պատմել է՝ ինչպես է տեղի ունեցել Եվրախորհրդի մարմինների միջև այս հարցի քննարկումը, և ովքեր են դեմ եղել Ռուսաստանի դուրս գալուն։ Նա վստահեցրել է, որ սա իսկապես կոշտ որոշում է, և ԵԽ մարմինները դեռ նման որոշում չէին ընդունել։
Նրա խոսքով՝ հիմա Եվրոպայի խորհրդում կա հնարավորություն և ընթացակարգ՝ պատժել ցանկացած անդամի, որն իրականացրել է Կանոնադրության կոպիտ խախտում։
«Պատերազմի դեպքում արդեն պարզ է. այժմ ցանկացած պետություն, որը ռազմական ագրեսիա կսկսի ԵԽ-ի մեկ այլ անդամի դեմ, կկորցնի իր տեղը կազմակերպությունում»,- պարզաբանել է նա՝ հավելելով․ «Մյուս «կարմիր գիծը», հավանաբար, լինելու է Մարդու իրավունքների եվրոպական դատարանի զգայուն որոշումները չկատարելը։ Մենք նման պատմություն ունենք Թուրքիայի հետ, որի դեմ կա երկու որոշում ՝քուրդ քաղաքական գործիչ Դեմիրթաշի և իրավապաշտպան Քավալայի հետ կապված։ Նրանք երկուսն էլ, ինչպես գտնում է ՄԻԵԴ-ը, ապօրինաբար են մնում բանտում։ Թուրքիան մոտենում է «կարմիր գծին», քանի որ եթե չեք ցանկանում իրականացնել դատարանի որոշումը, ապա պարզ չէ՝ ինչու եք Եվրոպայի խորհրդի անդամ»։
Քոքսը հիշեցրել է՝ նման ընթացակարգ է սկսվել նաև Ադրբեջանի դեմ, սակայն հետագայում Բաքուն գնացել է զիջման և ազատ արձակել ընդդիմադիր Իլգար Մամեդովին։
Էմմա Չոբանյան
