14.09.2026 | 09:30
ՀՀ տարածքում ավտոճանապարհներն անցանելի են
Թաղավարդում աշխատանքներ կատարող բնակիչների վրա ադրբեջանցիների կրակելու դեպքով հարուցվել է քրգործ. Արցախի ՔԿ
Քաղաքականություն
31.03.2022 | 13:45
Մարտի 9-ի կեսօրին Ադրբեջանի զինծառայողները ազգային ատելության շարժառիթով, կրակել են Մարտունու շրջանի Թաղավարդ գյուղի վարչական տարածքում գյուղատնտեսական աշխատանքներ կատարող Արսեն Խաչատրյանի և Արմեն Հակոբջանյանի ուղղությամբ և փորձել սպանել նրանց։ Արցախի Քննչական կոմիտեն հայտնել է քրեական գործ հարուցելու մասին։
«ԱՀ քննչական կոմիտեի տարածքային քննչական վարչության Մարտունու շրջանի քննչական բաժնում վարույթ է ընդունվել 2022թ․ մարտի 9-ին ժամը 12:30-ի սահմաններում Ադրբեջանի զինված ուժերի զինծառայողների կողմից ազգային ատելության շարժառիթով, Մարտունու շրջանի Թաղավարդ գյուղի վարչական տարածքում գյուղատնտեսական աշխատանքներ կատարող Արսեն Խաչատրյանին և Արմեն Հակոբջանյանին ապօրինաբար կյանքից զրկելու դիտավորությամբ, հրաձգային զինատեսակներից կրակոցներ արձակելու դեպքի առթիվ՝ ԱՀ քրեական օրենսգրքի 33-103-րդ հոդվածի 2-րդ մասի 1-ին և 14-րդ կետերով հարուցված քրեական գործը։ Նախաքննությունը շարունակվում է»,- ասվում է հաղորդագրության մեջ։
