10.10.2026 | 11:33
Արտարժույթների փոխարժեքները՝ հոկտեմբերի 10-ի դրությամբ
ՔՊ-ական պատգամավորները ԵԽ-ում հանդիպումների ժամանակ կարևորել են Ադրբեջանի գործողությունները զսպող կոնկրետ քայլերի անհրաժեշտությունը
Քաղաքականություն
31.03.2022 | 13:37
ՀՀ ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը, ԱԺ Եվրոպական ինտեգրման հարցերի մշտական հանձնաժողովի նախագահ Արման Եղոյանը և ԵԽԽՎ-ում հայկական պատվիրակության անդամ Արուսյակ Ջուլհակյանը Բրյուսելում հանդիպումներ են ունեցել Եվրախորհրդարանում Հայաստանի հետ բարեկամության խմբի ղեկավար Լուկաս Ֆուռլասի և Եվրոպական խորհրդարանի անդամ Ֆաբիո Մասիմո Կաստալդոյի հետ։ Այս մասին հայտնել է Հայկ Կոնջորյանը։
«Բրյուսելում՝ Եվրոպական խորհրդարանում, հանդիպումներ ունեցանք Հայաստանի հետ բարեկամության խմբի ղեկավար Լուկաս Ֆուռլասի և Եվրոպական խորհրդարանի անդամ Ֆաբիո Մասիմո Կաստալդոյի հետ։
Եվրախորհրդարանի պատգամավորները հետաքրքրվեցին Լեռնային Ղարաբաղում ստեղծված իրավիճակի և Ադրբեջանի սանձազերծած սադրանքների մասին։ Քննարկեցինք համատեղ գործողությունները՝ կանխելու տարածաշրջանում հետագա էսկալացիայի հնարավորությունը։
Կարևորեցինք Ադրբեջանի գործողությունները զսպող կոնկրետ և հասցեական քայլերի անհրաժեշտությունը»,- Ֆեյսբուքում գրել է Կոնջորյանը։
