21.08.2026 | 09:36
ՀՀ տարածքում ավտոճանապարհներն անցանելի են
ՄԱԿ-ն Ուկրաինայում ռազմական հանցագործությունների հարցերով հանձնաժողովի անդամների է նշանակել
Քաղաքականություն
31.03.2022 | 13:07
ՄԱԿ-ի Մարդու իրավունքների խորհուրդը նախօրեին նշանակել է հանձնաժողովի երեք անդամների, որոնք ապացույցներ են հավաքելու Ուկրաինայում ենթադրյալ ռազմական հանցագործությունների վերաբերյալ, գրում է BBC-ի ռուսական ծառայությունը։
Reuters-ի փոխանցմամբ՝ հանձնաժողովը ստեղծվել է Ուկրաինայի և նրա դաշնակիցների, այդ թվում՝ ԵՄ երկրների, ԱՄՆ-ի և Մեծ Բրիտանիայի առաջարկով, և այն պետք է հարցաքննի վկաների և հավաքի ապացույցներ, որոնք կարող են օգտագործվել հետագա դատական գործընթացներում։
Հանձնաժողովը գլխավորում է Ռուանդայի միջազգային տրիբունալի նախկին նախագահ և իր երկրի նախկին Գերագույն դատարանի նախկին դատավոր, նորվեգացի Էրիկ Մյոսեն։ Հանձնաժողովի կազմում են նաև Բոսնիա և Հերցեգովինայի մարդու իրավունքների հանձնակատար Յասմինկա Ջումհուրը և տարբեր երկրներում մարդու իրավունքների իրավիճակի հարցերով ՄԱԿ-ի նախկին հատուկ զեկուցող, կոլումբացի Պաբլո դե Գրեյֆը։
Հավելենք, որ Ուկրաինան և նրա դաշնակիցները մեղադրում են ռուսական բանակին ռազմական հանցագործությունների, մասնավորապես, քաղաքների գնդակոծության և հազարավոր ուկրաինացի խաղաղ բնակիչների սպանության մեջ։
Էմմա Չոբանյան
