08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Ֆրանսիան գաղտնի զորավարժություններ է անցկացրել՝ նախապատրաստվելու Ուկրաինա իր զորքերի հնարավոր տեղակայմանը
Քաղաքականություն
16.01.2025 | 12:34
Ֆրանսիան գաղտնի զորավարժություններ է անցկացրել՝ նախապատրաստվելու Ուկրաինա իր զորքերի հնարավոր տեղակայմանը, փոխանցում է DW-ի ռուսական ծառայությունը։
«Perseus» զորավարժությունը տևել է 10 օր, այն անցկացվել է 2024 թվականի աշնանը Ֆրանսիայի ուսումնամարզական հավաքակայանում և ներգրավել է հատուկ գործողությունների ուժերի (CAST) շուրջ 3200 զինծառայողի: Զորավարժությունների ընթացքում նրանք մշակել են Բելառուսի տարածքից Ուկրաինա ռուսական զորքերի պոտենցիալ ճեղքումը հետ մղելը։
Նշվում է, որ վարժանքների համար ընտրված տարածքն իր բնութագրերով նման է Կիևից հյուսիս Դնեպր գետի ոլորանի տեղանքին։ Intelligence Online-ի հաղորդմամբ՝ զորավարժությունների հիմնական նպատակներն են եղել անօդաչու թռչող սարքերի և էլեկտրոնային պատերազմի համակարգերի կիրառումը:
Միևնույն ժամանակ, Perseus-ի որոշ մասնակիցներ դժգոհել են FPV անօդաչու թռչող սարքերի բացակայությունից և մտահոգություն են հայտնել ֆրանսիացի արտադրողների՝ այս տեսակի անօդաչու թռչող սարքերի մշակման հարցում ուշացման համար, նշում է Intelligence Online-ը։
Դեկտեմբերի 19-ին Ուկրաինայի նախագահ Վլադիմիր Զելենսկին Բրյուսելում եվրոպացի առաջնորդների հետ քննարկել է Ուկրաինայում խաղաղապահ զորակազմի տեղակայման հարցը։ Զելենսկին հրաժարվել է մեկնաբանել խաղաղապահ առաքելության հնարավոր ձևաչափը՝ նշելով, որ դա «զգայուն հարց է»։
«Սա մանրամասների հարց է, և մենք քննարկում ենք դրանք»,- հավելել է նա։
Թարգմանությունը՝ Տաթև Ֆռանգյանի
