07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Վորոնեժի նահանգապետը հայտարարել է ԱԹՍ-ի հարվածից հետո նավթի պահեստում բռնկված հրդեհի մասին
Քաղաքականություն
16.01.2025 | 12:54
Վորոնեժի մարզի նահանգապետ Ալեքսանդր Գուսևը հայտարարել է անօդաչու թռչող սարքի հարվածից հետո նավթի պահեստում բռնկված հրդեհի մասին, փոխանցում է Current Time-ը։
«Մարզի շրջաններից մեկում մի քանի անօդաչու թռչող սարքի կործանման հետևանքով նավթի պահեստի տարածքում հրդեհ է բռնկվել»,- գրել է նա։
Ավելի ուշ պաշտոնյան մանրամասնել է, որ գիշերը երեք շրջանների վրա հարձակվել են տասից ավելի անօդաչու թռչող սարքեր։ Դրանց մեծ մասը բաժին է ընկել Լիսկի շրջանի նավթային պահեստին, զոհեր չկան։ Ըստ նախնական տվյալների՝ քաղաքացիների գույքը չի տուժել։
Այրվել է մի քանի պահուստարան։ Նահանգապետը նշել է, որ այս պահին հրշեջները պայքարում են կրակի դեմ։
Մինչ այդ, ԱԹՍ-ները, ենթադրաբար, գրոհել են Տամբովի մարզի Կոտովսկ քաղաքը, որտեղ տեղակայված է վառոդի գործարան։ Telegram ալիքները հրապարակում են տեսանյութեր, որոնք, ըստ պնդումների, նկարահանել են Կոտովսկի շրջանում տեղի բնակիչները։ Տեսանյութում լսվում են պայթյունների ձայներ։
Անօդաչու թռչող սարքի հարվածի մասին պաշտոնական հաղորդագրություն չկա, հետևանքների կամ զոհերի մասին տեղեկություններ՝ նույնպես։
Թարգմանությունը՝ Տաթև Ֆռանգյանի
