13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Ո՞նց ա լինում՝ տղան ամբողջ կյանքը առողջ է եղել, 17 տարեկանում հիվանդությունների փունջ է առաջանում. ՏԵՍԱՆՅՈՒԹ
Քաղաքականություն
16.01.2025 | 13:36
Զորակոչային գործընթացներ մուտք գործելու պահից նորակոչիկների շրջանում զանգվածայնորեն հիվանդություններ են ի հայտ գալիս, կառավարության նիստում այսօր այսպիսի արձանագրում արեց վարչապետ Նիկոլ Փաշինյանը։
Կառավարությունն այսօր որոշում կայացրեց նախազորակոչային տարիքի տղաների բժշկական հետազոտությունների և ամբուլատոր տվյալների թվայնացման վերաբերյալ։
«Սա անվտանգության, քաղաքական, հակակոռուպցիոն պայքարի հետ կապված պրոբլեմ է, ու քանի որ շատ են խոսում այս թեմայի մասին, ես վերջերս սկսել եմ մտածել, որ բանակից ազատվելու երեսունամյա պրոցեսի բերած շերտերն ամբողջությամբ չենք գիտակցում։ Ես մտածում եմ, որ հանրության մի մասը գիտի, որ ինքն ապօրինի կերպով ազատվել է բանակից, ինքը գիտի, որ իր մերձավոր շրջապատը գիտի այդ մասին, սա էլ որոշակի հոգեբանական արգելքներ է ձևավորում»,- ասաց նա։
Նիկոլ Փաշինյանի խոսքով՝ մեր իրականության մեջ ավելի ու ավելի նկատելիորեն աղջիկներն ավելի մրցունակ են դառնում, քան՝ տղաները։
«Ես տեսնում եմ՝ մեր իրականության մեջ աղջիկներն ավելի որակյալ աշխատուժ են դառնում, քան՝ տղաները, գոնե ես ճանաչում եմ մի քանի մարդկանց, որ տաղանդավոր, հեռանկարային տղաներ էին, բայց այն պահից, երբ կեղծիքը կեղծիքի հետևից եղավ, այդ մարդիկ այսօր ընդհանրապես մրցունակ չեն կյանքում, ինչը շատ ցավալի է, սրանք Հայաստանում կրկնված հարյուր հազարավոր դեպքեր են»,- ասաց նա։
Վարչապետի դիտարկմամբ «տղաներին փշի-փշի անելու, բամբակի մեջ պահելու» երևույթը խայտառակություն է։
Մանրամասները՝ տեսանյութում։
