18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
ԵԱՀԿ գործող նախագահը Հայաստան է ժամանում
Քաղաքականություն
31.03.2022 | 13:54
Այսօր աշխատանքային այցով Երևան կժամանի ԵԱՀԿ գործող նախագահը և Լեհաստանի արտաքին գործերի նախարար Զբիգնև Ռաուն։ Վերջինս մարտի 29-ից ապրիլի 1-ը կայցելի Հարավային Կովկասի երկրներ Վրաստան, Ադրբեջան և Հայաստան՝ բարձր մակարդակի պաշտոնյաների հետ հանդիպումների համար։ Այս մասին հայտնել էին կազմակերպության պաշտոնական կայքում։
Հայաստանում Ռաուն կհանդիպի վարչապետ Նիկոլ Փաշինյանի, արտգործնախարար Արարատ Միրզոյանի, նախագահ Վահագն Խաչատուրյանի հետ։
Տարածաշրջանային այցի շրջանակում Ռաուն արդեն եղել է Վրաստանում, որտեղ հանդիպել է այդ երկրի նախագահ Սալոմե Զուրաբիշվիլիի, վարչապետ Իրակլի Ղարիբաշվիլիի, փոխվարչապետ և արտաքին գործերի նախարար Դավիթ Զալկալիանիի և խորհրդարանի առաջին փոխնախագահ Գիորգի Վոլսկու հետ։
ԵԱՀԿ գործող նախագահն այժմ Ադրբեջանում է, որտեղ հանդիպում է նախատեսված նախագահ Իլհամ Ալիևի և արտգործնախարար Ջեյհուն Բայրամովի հետ։
ԵԱՀԿ հաղորդագրության համաձայն՝ Զբիգնև Ռաուի այցի նպատակն է Հարավային Կովկասի տարածաշրջանում խաղաղ համագործակցության, երկխոսության և կայունության խթանումը։
Տաթև Ֆռանգյան
