10.10.2026 | 11:33
Արտարժույթների փոխարժեքները՝ հոկտեմբերի 10-ի դրությամբ
Մեծ Բրիտանիայի Զինված ուժերի նախարարը Բաքվում բանակցություններ է անցկացրել Իլհամ Ալիևի և Զաքիր Հասանովի հետ
Քաղաքականություն
30.03.2022 | 17:34
Ադրբեջանի նախագահ Իլհամ Ալիևն այսօր ընդունել է Բաքու ժամանած Մեծ Բրիտանիայի Զինված ուժերի նախարար, խորհրդարանի անդամ Ջեյմս Հիփիին։ Ադրբեջանական լրատվամիջոցների փոխանցմամբ՝ հանդիպմանը գոհունակությամբ նշվել է, որ այս տարի լրանում է Ադրբեջանի և Մեծ Բրիտանիայի միջև դիվանագիտական հարաբերությունների հաստատման 30-ամյակը, ընդգծվել է, որ այս ընթացքում տարբեր ոլորտներում երկրների միջև արդյունավետ համագործակցություն է իրականացվել։
Հանդիպմանը մտքերի փոխանակություն է տեղի ունեցել նավթագազային ոլորտում համագործակցության հեռանկարների, Մեծ Բրիտանիայի կողմից Ադրբեջանի տնտեսության մեջ ներդրումների, առևտրի, տրանսպորտի և պաշտպանության ոլորտներում փոխգործակցության շուրջ։ Զրույցի ընթացքում նշվել է Ադրբեջանի մասնակցությունն Աֆղանստանում ՆԱՏՕ-ի կողմից իրականացվող «Վճռական աջակցություն» առաքելությանը։
Ադրբեջանական կողմի հաղորդմամբ՝ Ալիևը նաև պատմել է Լեռնային Ղարաբաղի շուրջ գործընթացների մասին, որոնք տեղի են ունենում «հետկոնֆլիկտային փուլում»։
Բացի այդ, բրիտանացի պաշտոնյան հանդիպել է Ադրբեջանի ՊՆ ղեկավար Զաքիր Հասանովին։ Վերջինը Հիփիին է ներկայացրել Արցախի գրավյալ տարածքներում կատարվող աշխատանքներն ու երախտագիտություն հայտնել Միացյալ Թագավորությանը՝ ՄԱԿ-ի Զարգացման ծրագրի շրջանակում տարածքները ականներից և չպայթած զինամթերքից մաքրելու համար ցուցաբերվող աջակցության համար։
Պաշտոնյաները նաև մտքեր են փոխանակել ռազմական ոլորտում համագործակցության հեռանկարների շուրջ։
Էմմա Չոբանյան
