18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Բաքվում ՌԴ դեսպանը դժգոհել է «ադրբեջանական ԶԼՄ-ներում հակառուսական հիստերիայից»
Քաղաքականություն
30.03.2022 | 16:19
Ադրբեջանում ՌԴ դեսպան Միխայիլ Բոչարնիկովը դժգոհել է ադրբեջանական լրատվամիջոցներում հակառուսական տրամադրություններից։ Այսօր տեղի ունեցած մամուլի ասուլիսում նա, մասնավորապես, ասել է, որ ռուսական կողմին զարմացնում է ադրբեջանական լրատվամիջոցներում Ռուսաստանի ղեկավարության դիրքորոշումը քննադատող մեծ թվով նյութերի առկայությունը, գրում է «Սպուտնիկ»-ի ադրբեջանական ծառայությունը։
Դեսպանը նշել է, որ Ռուսաստանում նման գործողությունները կանխվում են։
«Բազմիցս ստիպված ենք հրավիրել ադրբեջանական իշխանությունների ուշադրությունը տեղական ԶԼՄ-ում տիրող հակառուսական հիստերիայի վրա։ Հուսով ենք, որ այն կկանխվի»,- ասել է Բոչարնիկովը։
Հիշեցնենք՝ ուկրաինական պատերազմի ֆոնին Ռոսկոմնադզորը ՌԴ տարածքում արգելափակել է մի շարք ադրբեջանական իշխանամետ լրատվամիջոցների հասանելիությունը, ինչը վրդովմունք է առաջացրել Բաքվում։
Էմմա Չոբանյան
