17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Մեծ Բրիտանիայի Զինված ուժերի նախարարը ժամանել է Բաքու՝ Ալիևի հետ բանակցությունների
Քաղաքականություն
30.03.2022 | 13:15
Մեծ Բրիտանիայի Զինված ուժերի նախարար Ջեյմս Հեփփին այցով ժամանել է Բաքու։ Այս մասին հաղորդում են ադրբեջանական լրատվամիջոցները։
Նշվում է, որ մեկօրյա այցի շրջանակում բրիտանացի նախարարը բարձր մակարդակի հանդիպումներ է ունենալու Բաքվում։ Մասնավորապես, ծրագրված է նրա հանդիպումը Ադրբեջանի նախագահ Իլհամ Ալիևի, պաշտպանության նախարար Զաքիր Հասանովի և ԱԳ նախարար Ջեյհուն Բայրամովի հետ։
Լրատվամիջոցների փոխանցմամբ՝ հանդիպումների ընթացքում կքննարկվեն Միացյալ Թագավորության և Ադրբեջանի միջև դիվանագիտական հարաբերությունների հաստատման 30-ամյակի կապակցությամբ երկու երկրների միջև պաշտպանական համագործակցության ընդլայնման հնարավորությունը, Ուկրաինայում տիրող իրավիճակը, Հայաստանին առնչվող չլուծված հարցերը և խաղաղ գործընթացի առաջընթացը։
Հավելենք, որ նախօրեին Բրիտանիայի Զինված ուժերի նախարարը Վրաստանում էր, որտեղ հանդիպել է երկրի վարչապետ Իրակլի Ղարիբաշվիլիի հետ։
Էմմա Չոբանյան
