21.08.2026 | 10:46
Պապիկյանը ստուգայցերով բանակային դիրքերում է․ ՏԵՍԱՆՅՈՒԹ
ՌԴ-ն շարունակում է Կիևի և Չեռնիգովի շրջաններից իր զորքերի դուրսբերումը․ Ուկրաինայի ԳՇ
Քաղաքականություն
30.03.2022 | 11:51
Ռուսաստանի զինված ուժերի ստորաբաժանումների դուրսբերումը Կիևի և Չեռնիգովի շրջանների տարածքից շարունակվում է։ Այս մասին ասված է Ուկրաինայի զինված ուժերի գլխավոր շտաբի մարտի 29-ի հաղորդագրությունում, գրում է BBC-ի ռուսական ծառայությունը։
Միաժամանակ, Ուկրաինայի զինված ուժերը հայտնում են, որ, ըստ որոշ նշանների, ռուսական զորքերի ստորաբաժանումները վերախմբավորվում են՝ իրենց հիմնական ուժերը կենտրոնացնելով արևելյան ուղղությամբ։
«Միևնույն ժամանակ, այսպես կոչված «զորքերի դուրսբերումը», հավանաբար, առանձին ստորաբաժանումների ռոտացիա է և մոլորության մեջ է գցում Ուկրաինայի Զինված ուժերի ռազմական ղեկավարությանը և թյուր տպավորություն է ստեղծում օկուպանտների կողմից Կիև քաղաքը շրջափակելուց հրաժարվելու մասին», – ասված է Ուկրաինայի զինված ուժերի հայտարարության մեջ։
Ռուսական զորքերը շարունակում են գրոհը Դոնեցկի ուղղությամբ։ Մասնավորապես, Ուկրաինայի զինված ուժերի տվյալներով՝ ռուսական ուժերը օդային և հրթիռային հարվածներ են հասցրել Կրեմեննայա և Մարիուպոլ քաղաքներին։
Տաթև Ֆռանգյան
