08.06.2026 | 20:12
Էրդողանն ընդունել է Պոլսի Հայոց պատրիարքին
Ուկրաինայի հակագրոհները որոշակի հաջողություն են գրանցում, սակայն Կիևի համար դեռ վտանգ կա․ Մեծ Բրիտանիայի ՊՆ
Քաղաքականություն
29.03.2022 | 13:33
Մեծ Բրիտանիայի Պաշտպանության նախարարությունը հրապարակել է ուկրաինական պատերազմում իրավիճակի ամենօրյա վերլուծությունը, գրում է BBC-ի ռուսական ծառայությունը։
Բրիտանական հետախուզության տվյալներով՝ ուկրաինական ուժերը շարունակել են տեղային հակահարձակումները Կիևից հյուսիս, այդ թվում՝ Իրպենում, Բուչայում և Գոստոմելում։
«Այդ հարձակումներն ունեցել են որոշակի հաջողություն և ռուսներին մի քանի դիրք հետ են շպրտել»,- ասվում է հաղորդագրությունում։
Նախօրեին ուկրաինական իշխանությունները, այդ թվում՝ նախագահ Վլադիմիր Զելենսկին հայտարարել են, որ վերականգնել են վերահսկողությունը Կիևի մերձակայքում գտնվող Իրպեն քաղաքի նկատմամբ։
«Դրա հետ մեկտեղ, Ռուսաստանը դեռ զգալի վտանգ է ներկայացնում Կիևի համար իր հարվածային հնարավորությունների պատճառով»,- նշել են բրիտանացի զինվորականները։
Ինչ վերաբերում է Մարիուպոլում տիրող իրավիճակին, որը մի քանի շաբաթ է՝ շրջափակված է ռուսական զորքերի կողմից և գտնվում է մշտական հրետակոծության տակ, բրիտանական ՊՆ-ն նշում է, որ Ռուսաստանն այստեղ «շարունակում է առաջխաղացումը», սակայն «քաղաքի կենտրոնը մնում է Ուկրաինայի վերահսկողության տակ»։
«Մյուս ուղղություններում ռուսական ուժերը պահպանում են արգելափակման դիրքերը, միաժամանակ փորձելով վերակազմավորել և վերախմբավորել իրենց ուժերը»,- ասվում է հայտարարության մեջ։
Էմմա Չոբանյան
