07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Հայաստանի բռնցքամարտի հավաքականը Սերբիայում կմասնակցի միջազգային մրցաշարի
28.03.2022 | 15:08
Հայաստանի բռնցքամարտի մեծահասակների հավաքականը մեկնել է Բելգրադ․ այս մասին հայտնում է ֆեդերացիան:
Սերբիայում հավաքականը կմասնակցի միջազգային մրցաշարի: Ձեռքի կոտրվածքից հետո առաջին անգամ մրցաշարի կմասնակցի Եվրոպական խաղերի բրոնզե մեդալակիր 60 կգ քաշային Կարեն Տոնականյանը: Մրցաշարի մեկնած մյուս մարզիկներն են 51 կգ Եվրոպական խաղերի չեմպիոն Արթուր Հովհաննիսյանը, 54 կգ Ջանիկ Սահակյանը, 57 կգ Արթուր Բազեյանը, 63.5 կգ Նարեկ Հովհաննիսյանը, 67 կգ Գուրգեն Մադոյանը, 80 կգ Համբարձում Հակոբոբյանը, 86 Ռաֆայել Հովհաննիսյանը, 92 կգ Նարեկ Մանասյանը և +92 աշխարհի փոխչեմպիոն Դավիթ Չալոյանը:
Ընտրանին մրցավայր է մեկնել Ռոբերտ Պետրոսյանի և Ռուդիկ Մկրտչյանի հետ: Հավաքականի գլխավոր մարզիչ Կարեն Աղամալյանը թիմին կմիանա Սերբիայում:
