16.09.2026 | 20:30
ՌԴ-ն նոր պատժամիջոցներ կկիրառի՝ հենց ՀՀ-ն որոշի ռազմաբազան հեռացնել․ Դավիթ Կարապետյան․ ՏԵՍԱՆՅՈՒԹ
Պեսկովն անդրադարձել է Արցախում ադրբեջանական զորքերի ներխուժմանը
Քաղաքականություն
28.03.2022 | 14:03
ՌԴ նախագահի խոսնակ Դմիտրի Պեսկովն անդրադարձել է Լեռնային Ղարաբաղում տիրող իրավիճակին ու ադրբեջանական զորքերի ներխուժմանը, որով Բաքուն խախտել է 2020 թվականի նոյեմբերի 9-ի եռակողմ հայտարարությունը։ ՌԻԱ Նովոստիի փոխանցմամբ՝ Պեսկովը նշել է, որ գլխավորը հրադադարի ռեժիմի պահպանումն ապահովելն է բոլոր կողմերի կողմից։
«Այդ հարցը պետք է տալ մեր զինվորականներին, նրանք են ադրբեջանական ու հայկական կողմերի հետ կապի մեջ։ Եվ իհարկե, հիմա գլխավորը հրադադարի ռեժիմի պահպանման ապահովումն է բոլոր կողմերի կողմից՝ համաձայն համապատասխան պայմանավորվածությունների»,- ասել է Պեսկովը։
Հավելենք, որ ՌԴ ՊՆ-ն իր հայտարարությամբ ևս փաստել է Ադրբեջանի զորքերի ներխուժումն Արցախում ռուս խաղաղապահների պատասխանատվության գոտի, որտեղից ադրբեջանական ուժերը դեռ հետ չեն քաշվել։
Էմմա Չոբանյան
