Քաղաքականություն
25.03.2022 | 19:05
Ուկրաինայում պատերազմի ընթացքում զոհվել է 1351 ռուս զինծառայող, վիրավորվել՝ 3825-ը: Այս մասին այսօր Մոսկվայում կայացած ճեպազրույցի ժամանակ հայտարարել է ՌԴ ԶՈւ Գլխավոր շտաբի պետի առաջին տեղակալ, գեներալ-գնդապետ Սերգեյ Ռուդսկոյը, գրում է ՌԻԱ Նովոստին։
«Ցավոք, հատուկ ռազմական գործողության ընթացքում մեր զինակիցների շրջանում կորուստներ կան․ մինչ օրս զոհվել է 1 351 զինծառայող, վիրավորվել՝ 3825-ը»,- ասել է Ռուդսկոյը։
Նկատենք, որ Ուկրաինան պնդում է, որ սպանվել է ավելի քան 15․000 ռուս զինծառայող։
Հավելենք նաև, որ Ուկրաինայում պատերազմի մեկնարկից ի վեր Ռուսաստանը երկրորդ անգամ է հայտնում իր կորուստների մասին։
Տաթև Ֆռանգյան
