29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Լեհաստանի նախագահի ինքնաթիռը արտակարգ վայրէջք է կատարել
Քաղաքականություն
25.03.2022 | 18:00
Լեհաստանի նախագահ Անջեյ Դուդայի ինքնաթիռը, որը թռչում էր Ժեշուվ՝ հանդիպելու ԱՄՆ առաջնորդ Ջո Բայդենին, արտակարգ վայրէջք է կատարել Վարշավայում։ Իզվեստիայի փոխանցմամբ՝՝ այս մասին հայտնել են Լեհաստանի ղեկավարի գրասենյակից։
Վթարային վայրէջքի պատճառները չեն հաղորդվում։
Հիշեցնենք՝ ավելի վաղ հաղորդվել էր, որ ԱՄՆ նախագահ Ջո Բայդենն ուրբաթ մեկնում է Լեհաստան՝ փորձելով աջակցություն ցույց տալ Ուկրաինային, որն ավելի քան մեկ ամիս դիմադրում է ռուսական ագրեսիային։ Նշվում էր, որ որպես առաջին գծի պետություն՝ Լեհաստանն առանցքային դեր է խաղում Ուկրաինային օգնություն տրամադրելու հարցում, որն ակտիվորեն դիմադրում է ռուսական ռազմական գործողություններին։ Բայդենը կժամանի Լեհաստանի նախագահ Անջեյ Դուդայի հետ բանակցությունների Բրյուսելում ՆԱՏՕ-ի ու «Մեծ յոթնյակի» արտահերթ գագաթնաժողովից հետո, որի մասնակիցները պատրաստակամություն են հայտնել ընդլայնել Ուկրաինային աջակցությունը իր համար դժվարին պահին։
Տաթև Ֆռանգյան
