Քաղաքականություն
25.03.2022 | 17:34
Մարիուպոլի քաղաքային խորհուրդը հայտնում է, որ Մարիուպոլի դրամատիկական թատրոնի ռմբակոծության հետևանքով շուրջ 300 մարդ է զոհվել։
«Ականատեսներից տեղեկություններ կան, որ Մարիուպոլի դրամատիկական թատրոնում ՌԴ ավիահարվածների հետևանքով շուրջ 300 մարդ է զոհվել»,- ասվում է քաղաքային խորհրդի հաղորդագրության մեջ։
Մարիուպոլի դրամատիկական թատրոնը, որի նկուղում թաքնվում էին քաղաքի բնակիչները ռմբակոծություններից, ավերվել էր մարտի 16-ին։ Ուկրաինայի իշխանությունները թատրոնի վրա հարձակման համար մեղադրել են ռուս զինվորականներին։ ՌԴ Պաշտպանության նախարարությունը պնդում է, որ հարվածներ է հասցնում միայն ռազմական ենթակառուցվածքի օբյեկտներին։
Այս շաբաթվա սկզբին Ուկրաինայի նախագահ Վլադիմիր Զելենսկին հայտնել էր, որ ռուսական զորքերի կողմից շրջափակված Մարիուպոլում մինչև 100 հազար մարդ մնացել է առանց սննդի, ջրի և դեղորայքի։
Տաթև Ֆռանգյան
