15.01.2025 | 18:00
Պապիկյանը՝ Բաքվի կողմից նոր էսկալացիայի հավանականության, Մարությանը՝ միասնական տոմսային համակարգը բոյկոտելու մասին․ ԼՈՒՐԵՐ
Պուտինը ստորագրել է Ուկրաինայում պատերազմին դեմ արտահայտված Չուբայսին պաշտոնից ազատելու հրամանագիրը
Քաղաքականություն
25.03.2022 | 16:50
Վլադիմիր Պուտինը հրամանագիր է ստորագրել Անատոլի Չուբայսին նախագահի հատուկ ներկայացուցչի պաշտոնից ազատելու մասին: Այս մասին հայտնել է ՌԴ նախագահի մամուլի խոսնակ Դմիտրի Պեսկովը, գրում է BBC-ի ռուսական ծառայությունը։
Չուբայսի հրաժարականի մասին ոչ պաշտոնական աղբյուրներից հայտնի էր դարձել չորեքշաբթի։ Միաժամանակ, հաղորդվում էր, որ 1990-ականների ժամանակաշրջանի նախկին բարեփոխիչը հեռացել է՝ Ուկրաինայի դեմ Պուտինի սանձազերծած պատերազմի հետ անհամաձայնության պատճառով։ Հաղորդվել է նաև, որ Չուբայսը լքել է Ռուսաստանը, Ստամբուլում տեսել են նրա կնոջն ու նրան նման մի տղամարդու։ Ինքը՝ Չուբայսը, դեռ հրապարակային հայտարարություններ չի արել։
Պեսկովին լրագրողները հարցրել են, թե կոնկրետ ինչպես է ձևակերպվել Չուբայսի հրաժարականը, սակայն նա հստակ ոչինչ չի պատասխանել։
«Ես չգիտեմ, դա առանձնահատուկ դեր չի խաղում: Նրանք, ովքեր նշանակվում են նախագահի հրամանագրով, գրում են դիմումներ՝ ուղղված Պուտինին»,- ասել է Պեսկովը։
Տաթև Ֆռանգյան
