21.08.2026 | 12:03
46-ամյա Ռոնալդինյոն վերսկսում է կարիերան
Ըստ ԱՄՆ-ի՝ Ուկրաինայում ռուսական ճշգրիտ հրթիռների խափանումը 60 տոկոս է․ Reuters
Քաղաքականություն
25.03.2022 | 15:06
ԱՄՆ-ի գնահատմամբ՝ Ռուսաստանի գերճշգրիտ հրթիռների խափանումը, որոնք օգտագործվում են Ուկրաինայում պատերազմի ժամանակ, 60 տոկոս է։ Այս մասին Reuters-ին հայտնել են հետախուզական տվյալներին ծանոթ ամերիկացի երեք պաշտոնյաներ։
Նշվում է, որ սա կարող է օգնել բացատրել, թե ինչու Ռուսաստանը մեկ ամիս առաջ ներխուժումից ի վեր չի կարողանում հասնել հիմնական նպատակներին, օրինակ՝ Ուկրաինայի օդուժի չեզոքացմանը, չնայած իր զինված ուժերի ակնհայտ հզորությանը Ուկրաինայի շատ ավելի փոքր զինված ուժերի դեմ:
ԱՄՆ պաշտոնյաները, որոնք անանունության պայմանով են խոսել, չեն բացահայտել, թե կոնկրետ ինչն է նպաստում ռուսական հրթիռների խափանումների բարձր մակարդակին: Reuters-ն իր հերթին չի կարողացել ինքնուրույն ստուգել այս փաստը։ Կրեմլը և Ռուսաստանի Պաշտպանության նախարարությունն անմիջապես չեն արձագանքել մեկնաբանության խնդրանքին։
Վկայակոչելով ԱՄՆ հետախուզությունը՝ ամերիկացի երեք պաշտոնյաներ ասել են, որ Վաշինգտոնը գնահատում է, որ Ռուսաստանի ձախողման աստիճանը տատանվում է ամեն օր, կախված է արձակվող հրթիռի տեսակից և երբեմն կարող է գերազանցել 50%-ը։ Նրանցից երկուսն էլ ասել են, որ խափանումների մակարդակը հասնում է 60%-ի:
ԱՄՆ-ն կարծում է, որ Ռուսաստանն այս ամսվա սկզբին ռուսական տարածքից օդային թևավոր հրթիռներ է արձակել, երբ հարձակվել է Լեհաստանի սահմանի մոտ գտնվող ուկրաինական ռազմակայանի վրա։ Պաշտոնյաներից մեկն էլ Reuters-ին ասել է, որ այս հարձակման ժամանակ խափանման հատկապես բարձր մակարդակ է գրանցվել:
Էմմա Չոբանյան
