29.07.2026 | 00:56
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
ԱՄՆ-ը պատժամիջոցներ է սահմանել ՌԴ Պետդումայի և դրա 328 պատգամավորի նկատմամբ
Քաղաքականություն
24.03.2022 | 18:54
ԱՄՆ-ը նոր պատժամիջոցներ է սահմանում Ռուսաստանի Դաշնության Պետդումայի, ինչպես նաև դրա 328 պատգամավորների դեմ։ Այս մասին ասվում է ԱՄՆ Ֆինանսների նախարարության տարածած հաղորդագրության մեջ, գրում է ՏԱՍՍ-ը։
«Ի լրումն Պետդումայի 328 անդամներին պատժամիջոցների ցուցակում ներառելուն՝ ԱՄՆ Ֆինանսների նախարարության օտարերկրյա ակտիվների վերահսկողության գրասենյակը նաև ներառում է հենց Պետդուման՝ որպես կազմակերպություն»,- ասվում է փաստաթղթում:
ԱՄՆ Ֆինանսների նախարարությունը կարծում է, որ պատգամավորներն աջակցել են Ուկրաինայի ինքնիշխանության և տարածքային ամբողջականության դեմ ռազմական ագրեսիային։
ԱՄՆ-ը պատժամիջոցների ցանկում ներառել է նաև Սբերբանկի ղեկավար Գերման Գրեֆին, ինչպես նաև այլ անձանց ու կառույցների։ ԱՄՆ-ը նաև հայտարարել է Ռուսաստանի Դաշնության պաշտպանական համալիրի հետ կապված մի շարք ձեռնարկությունների և ընկերությունների դեմ պատժամիջոցների կիրառման մասին։
Էմմա Չոբանյան
