10.09.2026 | 09:54
Պատուհանից մտել է սրահ, հարձակվել աշխատակցի վրա. ավազակության կասկածանքով ձերբակալվել է 36-ամյա տղամարդ
ՆԱՏՕ-ի դռնփակ գագաթնաժողովին Զելենսկին կոչ է արել ավելի շատ օգնություն ցուցաբերել Ուկրաինային․ ՏԵՍԱՆՅՈՒԹ
Քաղաքականություն
24.03.2022 | 18:00
ՆԱՏՕ-ի դռնփակ գագաթնաժողովին մասնակցող առաջնորդները լսել են Ուկրաինայի նախագահ Վլադիմիր Զելենսկիի կոչը նոր աջակցության մասին։ CNN-ի փոխանցմամբ՝ այս մասին ասել է ԱՄՆ վարչակազմի բարձրաստիճան պաշտոնյան։
Պաշտոնյան ասել է, որ Ուկրաինայի առաջնորդը դադարեցրել է իր սովորական կոչերը ոչ թռիչքային գոտու կամ ՆԱՏՕ-ին անդամակցելու մասին: Սակայն Զելենսկին վիրտուալ ուղերձում «շատ պերճախոս» է եղել՝ նկարագրելով ուկրաինացի զինվորականների ջանքերը՝ պաշտպանելու Ուկրաինայի քաղաքացիներին և ժողովրդավարական արժեքները։
Զելենսկիի վիրտուալ ուղերձով մեկնարկել է ՆԱՏՕ-ի գագաթնաժողովը։ Հաջորդիվ ելույթ է ունեցել ԱՄՆ նախագահ Ջո Բայդենը՝ ներկայացնելով Արևմուտքի համակարգված մոտեցումը պատժամիջոցների հարցում՝ վերահաստատելով ուժեղ աջակցությունն Ուկրաինային և ամրապնդելով ԱՄՆ-ի հավատարմությունը ՆԱՏՕ-ի սկզբունքներին։
Բայդենը «շարադրել է մի շարք հարցեր, որոնք դաշինքը պետք է լուծի» առաջիկա ամիսներին՝ նախքան ՆԱՏՕ-ի հերթական նիստը, որը նախանշված է հունիսի վերջին Իսպանիայում:
Ըստ պաշտոնյայի՝ ՆԱՏՕ-ի գագաթնաժողովում տրամադրվածությունը «սթափ էր, վճռական և աներևակայելի համախմբված»։
ՆԱՏՕ-ի ղեկավարները նաև քննարկել են հնարավոր անելիքները, եթե Ռուսաստանը քիմիական կամ միջուկային զենք օգտագործի Ուկրաինայում մարտի դաշտում:
Էմմա Չոբանյան
