Քաղաքականություն
24.03.2022 | 17:53
ԱՄՆ նախագահ Ջո Բայդենը Բրյուսելում ՆԱՏՕ-ի գագաթնաժողովից առաջ հանդիպել է դաշինքի գլխավոր քարտուղար Յենս Ստոլտենբերգի հետ և քննարկել Ուկրաինայում տիրող իրավիճակը։ Այս մասին ասվում է Սպիտակ տան կայքէջում հրապարակված հաղորդագրության մեջ։
Տեղեկացվում է, որ նրանք քննարկել են դաշինքի միասնությունն ու ուժը և ՆԱՏՕ-ի շարունակական ջանքերը՝ զսպելու և պաշտպանելու ցանկացած ագրեսիայից։ Նրանք ողջունել են դաշնակիցների աջակցությունը Ուկրաինայի կառավարությանն ու ժողովրդին:
