16.04.2026 | 13:44
Թուրքիայի դպրոցներում զինված հարձակումներից հետո 83 մարդ է ձերբակալվել
Քիմիական զենքի վտանգը մեծ է․ ՌԴ-ն «վա բանկ» է գնացել՝ ռազմական լուրջ հետևանքներ կլինեն․ Ստեփան Գրիգորյան. ՏԵՍԱՆՅՈՒԹ
Քաղաքականություն
24.03.2022 | 18:32
Ուկրաինայի դեմ Ռուսաստանի սանձազերծած պատերազմի 29-րդ օրը ԱՄՆ նախագահ Ջո Բայդենը ժամանել է Եվրոպա՝ դաշնակիցների հետ հստակեցնելու Մոսկվային հակազդելու քայլերը, որոնք վերջ կդնեն ռուսական ներխուժմանը։ ԱՄՆ նախագահը նաև «իրական սպառնալիք» է որակել Ռուսաստանի կողմից քիմիական զենքի կիրառման սպառնալիքը։
ՆԱՏՕ-ի գլխավոր քարտուղար Յենս Ստոլտենբերգը նախազգուշացրել է՝ քիմիական զենքի ցանկացած կիրառում լիովին կփոխի հակամարտության բնույթը։
Քաղաքագետ Ստեփան Գրիգորյանը հիշեցնում է՝ մինչև փետրվարի 24-ը քչերն էին հավատում ԱՄՆ պաշտոնյաների ահազանգերին, որ ՌԴ-ն պատերազմ է սկսելու Ուկրաինայի դեմ, հետևաբար՝ լուրջ է պետք գնահատել նաև քիմիական զենքի կիրառման վտանգը։
«Երեկ ՄԱԿ-ում ՌԴ-ի ներկայացուցիչը կամ նրա տեղակալն ասաց՝ եթե պետք լինի, միջուկային զենք էլ կօգտագործենք։ Հուսանք՝ դա ճնշման ձև է։ ՌԴ-ն տեսնում է՝ միջուկային զենքի կիրառման սպառնալիքը վախեցնում է ՆԱՏՕ-ին՝ չի փակում Ուկրաինայի օդը։ Միջուկային զենքի կիրառումը կործանարար կլինի ՌԴ-ի համար, բայց քիմիական զենքի վտանգը լուրջ է, քանի որ կյանքը ցույց տվեց՝ ԱՄՆ պաշտոնյաների զգուշացումները ճշմարիտ են դուրս գալիս»,- Factor TV-ի հետ զրույցում ասաց Ստեփան Գրիգորյանը։
Ներխուժելով ամբողջ Ուկրաինայի տարածք և չսահմանափակվելով միայն Լուգանսկի և Դոնեցկի մարզերով, ըստ փորձագետի, ՌԴ-ն ցույց է տալիս՝ վա բանկ է գնացել և ձգտելու է բացարձակ հաղթանակի պատերազմում։ Ռուսաստանն ընդլայնում է ռազմական գործողությունների տարածքը՝ թիրախավորելով բոլոր քաղաքներն ու բնակավայրերը, ինչը ևս լրջագույն հետևանքների է բերելու։
Ըստ Գրիգորյանի՝ ՀՀ-ն պարտավոր է հաշվարկել սցենարները, և հասկանալ՝ դրանք ինչ անդրադարձեր են ունենալու մեր պետության վրա, հատկապես՝ Արցախում Ադրբեջանի սադրանքների ակտիվացմանը զուգահեռ, և անհրաժեշտ է հասկանալ՝ ինչպես է հնարավոր հակադարձել դրանց։
Հարցազրույցն ամբողջությամբ՝ տեսանյութում։
Ռոբերտ Անանյան
