29.07.2026 | 00:56
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
ԱՄՆ-ն և ԵՄ-ն մոտ են Ռուսաստանից էներգետիկ կախվածությունը նվազեցնելու համաձայնագրի կնքմանը․ ԶԼՄ-ներ
Քաղաքականություն
24.03.2022 | 14:14
ԱՄՆ-ն և ԵՄ-ն շուտով կարող են համաձայնագիր կնքել Եվրոպայի՝ ռուսական էներգառեսուրսներից կախվածության նվազեցման մասին։ Այս մասին գրում է Bloomberg-ը՝ վկայակոչելով իրավիճակին ծանոթ աղբյուրին, փոխանցում է swissinfo-ն։
Լրատվամիջոցի տվյալներով՝ ազգային անվտանգության հարցերով ԱՄՆ նախագահի խորհրդական Ջեյք Սալիվանն ասել է, որ համաձայնագրի մասին կարող են հայտարարել արդեն այս ուրբաթ։
Գործարքը ենթադրում է ամերիկյան բնական գազի և ջրածնի ապահովման մատակարարումը։ Իրավիճակին տեղյալ աղբյուրի խոսքով՝ քիչ հավանական է, որ ԱՄՆ-ը կարողանա երաշխավորել ԵՄ գազի մատակարարման կոնկրետ ծավալներ։ Բացի այդ, դեռ հայտնի չէ, թե գործարքի կողմերն ինչպես են կատարելու պայմանավորվածությունները, և արդյո՞ք գնագոյացումը կհամաձայնեցվի։
Նախօրեին էլ Սալիվանը հայտարարել էր, որ նախագահ Բայդենի և եվրոպացի դաշնակիցների գլխավոր առաջնահերթություններից մեկը ռուսական գազից Եվրոպայի կախվածության նվազեցումն է, այն ամբողջությամբ դադարեցնելը, ինչպես նաև դրան հասնելու գործողությունների գործնական պլանը։
Էմմա Չոբանյան
