Ռուսաստանի ռազմական բարձրագույն ղեկավարությունը հրաժարվում է կապի դուրս գալ ԱՄՆ գործընկերների հետ․ The Washington Post

ԱՄՆ բարձրաստիճան զինվորականների փորձերը՝ խոսելու իրենց ռուս գործընկերների հետ, Մոսկվայի կողմից մերժվում են վերջին մեկ ամսվա ընթացում։ Այս մասին գրում է The Washington Post-ը։

Ռուսաստանի՝ Ուկրաինա ներխուժումից ի վեր, ԱՄՆ պաշտպանության նախարար Լլոյդ Օսթինը և շտաբների պետերի միացյալ կոմիտեի ղեկավար, գեներալ Մարկ Միլին փորձել են հեռախոսազրույցներ ունենալ ՌԴ պաշտպանության նախարար Սերգեյ Շոյգուի և գեներալ Վալերի Գերասիմովի հետ, սակայն ռուսները «մինչ այժմ մերժել են», ասվում է Պենտագոնի խոսնակ Ջոն Քիրբիի հայտարարության մեջ։

Օսթինի և Միլիի կողմից նախկինում չհաղորդված զանգերի փորձերը եղել են այն ժամանակ, երբ Ռուսաստանը գործողություններ էր իրականացնում ՆԱՏՕ-ի անդամ Լեհաստանի և Ռումինիայի սահմանների մոտ, մինչդեռ Միացյալ Նահանգները և նրա եվրոպացի դաշնակիցներն օդային գործողություններ են իրականացնում Բալթիկ ծովի վրայով և ցամաքային տրանսպորտով զենք ու սարքավորումներ տեղափոխում Ուկրաինա:

Մոսկվան և Վաշինգտոնը պահպանում են հակամարտությունների կարգավորման ուղիները, սակայն ներկա և նախկին պաշտոնյաներն ասում են, որ կապը բարձրաստիճան զինվորականների հետ կարևոր է՝ անհարկի էսկալացիայից կամ շփոթմունքից խուսափելու համար:

Քանի որ մարտի դաշտում Ռուսաստանի անհաջողություններն ավելի ցայտուն են դառնում, և հակամարտությունը մոտենում է երկրորդ ամսին, ԱՄՆ պաշտոնյաները մտահոգված են, որ ՌԴ նախագահ Վլադիմիր Պուտինը կարող է սրել իրավիճակը ռազմական ճանապարհով՝ պատերազմի հետագիծը փոխելու հույսով: Քանի որ ավելի վտանգավոր սպառազինություն և մարտավարություն է կիրառվում, ավելի լայն կոնֆլիկտի ռիսկերն աճում են:

Էմմա Չոբանյան