10.10.2026 | 14:28
ԵՄ-ն շնորհավորել է Երևանի 2808-ամյակը
Մեկնարկել է գեղասահքի աշխարհի առաջնությունը․ Հայաստանը կներկայացնի Թինա Կարապետյան-Սիմոն Սենեկալ պարային զույգը
24.03.2022 | 13:33
Ֆրանսիայի Մոնպելյե քաղաքում մեկնարկել է գեղասահքի աշխարհի առաջնությունը, որին մասնակցում են նաև Հայաստանի ներկայացուցիչները. տեղեկացնում են ԿԳՄՍՆ-ից։
Հայաստանն այս կարևոր ստուգատեսին ներկայացնում են Պեկինի ձմեռային օլիմպիական խաղերի մասնակիցներ Թինա Կարապետյանն ու Սիմոն Սենեկալը, որոնք հանդես կգան պարային զույգերի պայքարում։ Աշխարհի առաջնությունը կտևի մինչև մարտի 27-ը։
Թինա Կարապետյանն ու Սիմոն Սենեկալն աշխարհի առաջնությունում պայքարը կսկսեն մարտի 25-ին՝ ռիթմիկ պարերի որակավորման փուլում։ Հաջողության դեպքում նրանք մարտի 26-ին հանդես կգան ազատ ծրագրում։
Աշխարհի առաջնությանը պետք է մասնակցեր նաև մենասահորդ Սլավիկ Հայրապետյանը, որը, սակայն, մեջքի վնասվածքի պատճառով դուրս է մնացել շարքից։
Հայ պատանի գեղասահորդ Սեմյոն Դանիելյանցն էլ նախապատրաստվում է ապրիլի 13-ից 17-ը Էստոնիայի մայրաքաղաք Տալինում կայանալիք աշխարհի պատանեկան առաջնությանը։
